Month: January 2018

ബെംഗളൂരു : ഓല, ഊബർ വെബ്ടാക്സികൾക്കു ഭീഷണിയായി ജനതാദൾ–എസ് സംസ്ഥാനാധ്യക്ഷൻ എച്ച്.ഡി. കുമാരസ്വാമിയുടെ നേതൃത്വത്തിൽ മാസങ്ങൾക്കു മുൻപാരംഭിച്ച നമ്മ ടൈഗർ വെബ്ടാക്സികൾക്കു ഗതാഗതവകുപ്പിന്റെ സഡൻ ബ്രേക്ക്. ലൈസൻസ് ഇല്ലാതെയാണ് നമ്മ ടൈഗർ പ്രവർത്തിക്കുന്നതെന്നു ചൂണ്ടിക്കാട്ടിയാണ് വെബ്ടാക്സി പ്രവർത്തനം തടഞ്ഞത്. അനധികൃതമായി സർവീസ് നടത്തിയെന്നാരോപിച്ച് ഇവരുടെ മൂന്നു ടാക്സികൾ ആർ‌ടിഒ ഉദ്യോഗസ്ഥർ പിടിച്ചെടുക്കുകയും ചെയ്തു. സംസ്ഥാനത്തു സർവീസ് നടത്തുന്ന വെബ്ടാക്സികൾ കർണാടക ഓൺ–ഡിമാൻഡ് ട്രാൻസ്പോർട്ടേഷൻ ടെക്നോളജി അഗ്രിഗേറ്റേഴ്സ് നിയമം അനുസരിച്ച് റജിസ്റ്റർ ചെയ്യേണ്ടതുണ്ട്. എന്നാൽ നമ്മ ടൈഗറിന് ഈ ലൈസൻസ് ഇല്ലെന്നു വ്യക്തമായതോടെയാണ് ജോയിന്റ് കമ്മിഷണറുടെ…

ബെംഗളൂരു : ശ്രാവണബെലഗോളയിൽ 57 മീറ്റർ ഉയരത്തിലുള്ള ബാഹുബലിയുടെ ഒറ്റക്കൽ ശില്പം നേരിട്ടു കണ്ടിട്ടില്ലെങ്കിൽ ലാൽബാഗിലേക്കു വരാം. വലുപ്പം കുറവെങ്കിലും ഒരു മിനി ശ്രാവണബെലഗോളയാണ് റിപ്പബ്ലിക് ദിന പുഷ്പമേളയുടെ ഭാഗമായി ലാൽബാഗിലെ ചില്ലുകൂടാരത്തിൽ ഒരുക്കിയിരിക്കുന്നത്.ലക്ഷക്കണക്കിനു പൂക്കളുടെ അകമ്പടിയോടെ ബാഹുബലിയുടെ വിവിധ മാതൃകകളാണ് വരവേൽക്കുക. ശ്രാവണബെലഗോളയിൽ അടുത്തമാസം നടക്കുന്ന മഹാമസ്തകാഭിഷേകത്തിനു വരവേൽപ്പു കൂടിയാണിത്. കേരളത്തിൽ നീലക്കുറിഞ്ഞി പൂക്കുന്നതു പോലെ 12 വർഷം കൂടുമ്പോഴാണ് ജയ്ന മഹോൽസവമായ മഹാമസ്തകാഭിഷേകം നടക്കുന്നത്.ഹോർട്ടികൾച്ചർ വകുപ്പിന്റെയും മൈസൂർ ഹോർട്ടികൾച്ചർ സൊസൈറ്റിയുടെയും ആഭിമുഖ്യത്തിൽ നടക്കുന്ന പുഷ്പമേള ചില്ലുകൂടാരത്തിനു പുറത്തേക്കും കണ്ണിനു വസന്തമൊരുക്കി പടർന്നുകിടക്കുന്നു.…