Day: 10 November 2017

ബെംഗളൂരു∙ നിർദിഷ്ട തലശ്ശേരി-മൈസൂരു റെയിൽപാതയുടെ സർവേയ്ക്കു കർണാടകയുടെ പച്ചക്കൊടി. നാഗർഹോളെ, വയനാട് വന്യജീവി സങ്കേതങ്ങൾ പൂർണമായി ഒഴിവാക്കിക്കൊണ്ട് കേരളം സമർപ്പിച്ച രൂപരേഖയാണു കർണാടക അംഗീകരിച്ചത്. നാഗർഹോളെ വന്യജീവി സങ്കേതത്തിലൂടെ കടന്നുപോകുന്ന ലൈനിന് അനുമതി നൽകില്ലെന്നായിരുന്നു കർണാടകയുടെ ആദ്യനിലപാട്. കേരള ചീഫ് സെക്രട്ടറി ഡോ. കെ.എം.ഏബ്രഹാമിന്റെ നേതൃത്വത്തിലുള്ള ഉദ്യോഗസ്ഥ സംഘം ഇന്നലെ ബെംഗളൂരുവിൽ കർണാടക ചീഫ് സെക്രട്ടറി സുഭാഷ് ചന്ദ്ര ഖുന്ത്യയുമായി നടത്തിയ ചർച്ചയിലാണു വാക്കാൽ അനുമതി ലഭിച്ചത്. വിശദമായ ഉത്തരവ് അടുത്ത ദിവസങ്ങളിൽ ഉണ്ടായേക്കും. വിശദമായ പദ്ധതി റിപ്പോർട്ട് സമർപ്പിക്കാനുള്ള ചുമതല കൊങ്കൺ റെയിൽവേ…

ബെംഗളൂരു ∙ വിവാദങ്ങൾക്കും പ്രതിഷേധങ്ങൾക്കും ഒടുവിൽ കനത്ത സുരക്ഷയിൽ ഇന്നു ടിപ്പുജയന്തി. സർക്കാർ സംഘടിപ്പിക്കുന്ന ടിപ്പുജയന്തി ആഘോഷങ്ങളോടനുബന്ധിച്ചു സംസ്ഥാനത്തെമ്പാടും വലിയ സുരക്ഷയാണ് ഏർപ്പെടുത്തിയിരിക്കുന്നത്. ആഘോഷങ്ങളുടെ ശ്രദ്ധാകേന്ദ്രമായ കുടക് മേഖല അതീവ ജാഗ്രതയിലാണ്. ഇവിടെ നാളെ രാവിലെ എട്ടുവരെ നിരോധനാജ്ഞ പുറപ്പെടുവിച്ചിട്ടുണ്ട്. സർക്കാർ പരിപാടികൾ നടക്കുന്ന മടിക്കേരി, വീരാജ്പേട്ട്, സോമവാർപേട്ട് എന്നിവയെ നിയന്ത്രണത്തിൽ നിന്നൊഴിവാക്കി. ഈ ദിവസങ്ങളിൽ ബിജെപി സംസ്ഥാന അധ്യക്ഷൻ ബി.എസ്.യെഡിയൂരപ്പ നയിക്കുന്ന പരിവർത്തന യാത്ര ജില്ലയിൽ പ്രവേശിക്കുന്നതു നേരത്തേ വിലക്കിയിരുന്നു. വേണ്ടത്ര സുരക്ഷ ഒരുക്കാൻ കഴിയില്ലെന്നു പൊലീസ് അറിയിച്ചതിനാലാണിത്. സംഘർഷസാധ്യത കണക്കിലെടുത്ത് ഉഡുപ്പി,…