Category: BENGALURU NEWS

ബെംഗളൂരു: ബെംഗളൂരു നമ്മ മെട്രോയുടെ പുതിയ ‘പിങ്ക് ലൈൻ’ ഉന്നതതല പാത സെപ്റ്റംബർ അവസാനത്തോടെ പൊതുജനങ്ങൾക്കായി തുറന്നുകൊടുക്കാൻ സാധ്യത. അടുത്ത മാസം നടക്കുന്ന നിയമപരമായ സുരക്ഷാ പരിശോധനകൾക്കായി ബാംഗ്ലൂർ മെട്രോ റെയിൽ കോർപ്പറേഷൻ ലിമിറ്റഡ് (ബി.എം.ആർ.സി.എൽ) തയ്യാറെടുപ്പുകൾ പൂർത്തിയാക്കിവരികയാണ്. കഴിഞ്ഞ ആഴ്ച നടന്ന ട്രെയിൻ പരിശോധനകൾക്ക് ശേഷം ചീഫ് കമ്മീഷണർ ഓഫ് റെയിൽവേ സേഫ്റ്റി (സി.സി.ആർ.എസ്) ഉന്നയിച്ച നിരീക്ഷണങ്ങൾക്കുള്ള മറുപടി റിപ്പോർട്ട് ബി.എം.ആർ.സി.എൽ ബുധനാഴ്ച സമർപ്പിച്ചു. വിജയകരമായി പൂർത്തിയാക്കിയ ഓസിലേഷൻ, എമർജൻസി ബ്രേക്ക് ഡിസ്റ്റൻസ് പരിശോധനകൾക്ക് പിന്നാലെ ഓഗസ്റ്റ് 12-ന് റിസർച്ച് ഡിസൈൻസ് ആൻഡ്…

ബെംഗളൂരു: ബെംഗളൂരുവിലെ ആകെ വോട്ടർമാരിൽ പകുതിയോളം പേർ വോട്ടർപട്ടികയിൽ നിന്ന് പുറത്താകാൻ സാധ്യതയുണ്ടെന്ന മുന്നറിയിപ്പുമായി സാമൂഹിക പ്രവർത്തകരുടെ സംഘം. വോട്ടർ പട്ടികയിൽ വൻതോതിൽ പേരുകൾ വെട്ടിക്കുറയ്ക്കുന്നതിനെതിരെ കേന്ദ്ര തിരഞ്ഞെടുപ്പ് കമ്മീഷൻ അടിയന്തര നടപടി സ്വീകരിച്ചില്ലെങ്കിൽ സംസ്ഥാന സർക്കാർ സുപ്രീം കോടതിയെ സമീപിക്കണമെന്ന് ചലച്ചിത്ര താരം പ്രകാശ് രാജ് ഉൾപ്പെട്ട പ്രതിനിധി സംഘം ആവശ്യപ്പെട്ടു. കർണാടക ഉപമുഖ്യമന്ത്രി കൂടിയായ ഡി.കെ. ശിവകുമാറുമായി നിയമസഭാമന്ദിരത്തിൽ വച്ച് നടത്തിയ കൂടിക്കാഴ്ചയിലാണ് സംഘം ഈ ആവശ്യമുന്നയിച്ച് നിവേദനം സമർപ്പിച്ചത്. നിലവിൽ 1.09 കോടി വോട്ടർമാരാണ് എ.എസ്.ഡി.ഡി.ഒ (ASDDO) പട്ടികയിൽ ഉള്ളതെന്ന്…

ബെംഗളൂരു: സ്വകാര്യ ബസിന്റെ ഫുട്‌ബോർഡിൽ തൂങ്ങി അപായകരമായ രീതിയിൽ വിദ്യാർത്ഥികളും യാത്രക്കാരും സഞ്ചരിക്കുന്ന വീഡിയോ സോഷ്യൽ മീഡിയയിൽ പ്രചരിച്ചതിനെ തുടർന്ന് കാപ്പ് പോലീസ് സ്റ്റേഷനിൽ കേസെടുത്തു. ഓഗസ്റ്റ് 14-ന് കാപ്പിൽ നിന്ന് ഉഡുപ്പിയിലേക്ക് സർവീസ് നടത്തിയ സ്വകാര്യ എക്സ്പ്രസ് ബസിലാണ് സംഭവം നടന്നത്. പെർമിറ്റ് വ്യവസ്ഥകൾ ലംഘിച്ച് അനുവദനീയമായതിലും കൂടുതൽ യാത്രക്കാരെ കയറ്റി ബസ് ഓടിച്ചതായി അധികൃതർ നടത്തിയ പരിശോധനയിൽ കണ്ടെത്തി. വളവുകളിലും തിരക്കേറിയ റോഡുകളിലും ഉയർന്ന വേഗതയിൽ ഓടുന്ന ബസുകളുടെ ഫുട്‌ബോർഡിൽ നിൽക്കുന്നത് യാത്രക്കാർ തെറിച്ചുവീണ് വലിയ അപകടങ്ങൾക്ക് കാരണമാകാൻ സാധ്യതയേറെയാണ്. വിദ്യാർത്ഥികളടക്കമുള്ള…

ബെംഗളൂരു: മുതിർന്ന ബി.ജെ.പി നേതാവും കർണാടക മുൻ സ്കൂൾ വിദ്യാഭ്യാസ-സാക്ഷരതാ മന്ത്രിയുമായ ബി.സി. നാഗേഷ് (67) അന്തരിച്ചു. ബ്രെയിൻ ട്യൂമറിനെ തുടർന്ന് ഏറെ നാളായി ചികിത്സയിലായിരുന്ന അദ്ദേഹം ബെംഗളൂരു ജയനഗറിലെ മകളുടെ വസതിയിൽ വച്ചാണ് രാത്രിയോടെ അന്ത്യശ്വാസം വലിച്ചത്. ആരോഗ്യനില വഷളായതിനെ തുടർന്ന് ചികിത്സ തുടരവെയായിരുന്നു അന്ത്യം. തുംകൂർ ജില്ലയിലെ തിപ്തൂർ നിയമസഭാ മണ്ഡലത്തിൽ നിന്ന് രണ്ടുതവണ ബി.ജെ.പി ടിക്കറ്റിൽ നിയമസഭയിലെത്തിയ വ്യക്തിയാണ് ബി.സി. നാഗേഷ്. 2021 മുതൽ 2023 വരെ ബസവരാജ് ബൊമ്മൈയുടെ നേതൃത്വത്തിലുള്ള ബി.ജെ.പി മന്ത്രിസഭയിൽ സ്കൂൾ വിദ്യാഭ്യാസ, സാക്ഷരതാ വകുപ്പ്…

ബെംഗളൂരു: വരാനിരിക്കുന്ന ഉത്സവ സീസണിന് മുന്നോടിയായി ബെംഗളൂരു നഗരത്തിൽ പൂക്കൾക്ക് വൻ ഡിമാൻഡ് അനുഭവപ്പെടുന്നു. ഇതോടെ വിപണിയിൽ പൂക്കളുടെ വില കുതിച്ചുയരുകയാണ്. വരുന്ന ദിവസങ്ങളിൽ വില ഇനിയും ഇരട്ടിയാകാൻ സാധ്യതയുണ്ടെന്നാണ് കച്ചവടക്കാർ നൽകുന്ന സൂചന. നിലവിൽ കിലോയ്ക്ക് 160 രൂപയുണ്ടായിരുന്ന സാമന്തിക്ക് 300 രൂപയായി ഉയർന്നു. സുഗന്ധരാജയുടെ വില 80 രൂപയിൽ നിന്ന് 100 രൂപയായും ചെണ്ടുമല്ലി വില 40 രൂപയിൽ നിന്ന് 60 രൂപയായും വർദ്ധിച്ചു. കിലോയ്ക്ക് 400 രൂപയുണ്ടായിരുന്ന മുല്ലപ്പൂവിന് 500 രൂപയും, മുൻപ് 80 മുതൽ 90 രൂപ വരെ…

ബെംഗളൂരു: കേന്ദ്ര സർക്കാരിന്റെ പ്രധാനമന്ത്രി ഇ-ഡ്രൈവ് പദ്ധതിയുടെ ഭാഗമായി നഗരത്തിലേക്ക് പുതുതായി എത്തുന്ന 4,500 ഇലക്ട്രിക് ബസുകൾക്കായി വിപുലമായ അടിസ്ഥാന സൗകര്യങ്ങളൊരുക്കാൻ ബെംഗളൂരു മെട്രോപോളിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി). ഇതിന്റെ ഭാഗമായി 31 ഡിപ്പോകളിൽ കൂടി പുതിയ ചാർജിങ് സ്റ്റേഷനുകൾ സ്ഥാപിക്കും. നിലവിൽ 10 ഡിപ്പോകളിൽ മാത്രമാണ് ചാർജിങ് സൗകര്യമുള്ളത്. ഇതിൽ 12 ഡിപ്പോകൾ പൂർണ്ണമായും ഇലക്ട്രിക് ബസുകളുടെ പ്രവർത്തനങ്ങൾക്കായി മാത്രം മാറ്റിവെയ്ക്കാനാണ് ബിഎംടിസി ലക്ഷ്യമിടുന്നത്. അടിസ്ഥാന സൗകര്യങ്ങൾക്ക് 1,505 കോടി രൂപ സബ്‌സിഡി പ്രധാനമന്ത്രി ഇ-ഡ്രൈവ് പദ്ധതി പ്രകാരം 1,505 കോടി രൂപയാണ്…

ബെംഗളൂരു, ഓഗസ്റ്റ് 03: പാചകവാതക സിലിണ്ടർ ക്ഷാമവും വിലവർധനവും ഉണ്ടാക്കുന്ന പ്രതിസന്ധികൾക്കിടയിലും, നഗരത്തിലും പ്രാന്തപ്രദേശങ്ങളിലും പുതിയ രീതിയിലുള്ള സിലിണ്ടർ മോഷണം വ്യാപകമാകുന്നു. ഓട്ടോറിക്ഷകളിൽ എത്തി വീടുകളിൽ നിന്ന് നിമിഷനേരം കൊണ്ട് സിലിണ്ടറുകൾ കടത്തിക്കൊണ്ടുപോകുന്ന സംഘമാണ് ഇപ്പോൾ ബെംഗളൂരുവിൽ ഭീതി പടർത്തുന്നത്. ബെംഗളൂരു നോർത്ത് താലൂക്കിലെ ഗുണി അഗ്രഹാര, ലക്ഷ്മിപൂർ തുടങ്ങിയ പ്രദേശങ്ങളിൽ കഴിഞ്ഞ കുറച്ചു ദിവസങ്ങളായി ഇത്തരത്തിൽ വ്യാപക മോഷണമാണ് നടക്കുന്നത്. പകലെന്നോ രാത്രിയെന്നോ വ്യത്യാസമില്ലാതെ വീടുകളിൽ അതിക്രമിച്ചു കയറുന്ന മോഷ്ടാക്കൾ ചുരുങ്ങിയ സമയം കൊണ്ട് പത്തിലധികം സിലിണ്ടറുകളാണ് ഇതിനോടകം കവർന്നത്. ഓട്ടോറിക്ഷയിലെത്തുന്ന രണ്ട്…

ബെംഗളൂരു: ഗതാഗതക്കുരുക്കിൽ വീണ്ടും റെക്കോർഡിട്ട് ‘സിലിക്കൺ സിറ്റി’യായ ബെംഗളൂരു. രാജ്യത്ത് ഏറ്റവും കൂടുതൽ ട്രാഫിക് ബ്ലോക്കുള്ള നഗരങ്ങളുടെ പട്ടികയിലാണ് ബെംഗളൂരു ഒന്നാം സ്ഥാനത്തെത്തിയത്. അന്താരാഷ്ട്ര നാവിഗേഷൻ ടെക്നോളജി കമ്പനിയായ ‘ടോംടോം’ പുറത്തുവിട്ട ഏറ്റവും പുതിയ റിപ്പോർട്ടിലാണ് ഇന്ത്യയിൽ ഒന്നാമതായും ആഗോളതലത്തിൽ രണ്ടാം സ്ഥാനത്തും ബെംഗളൂരു ഇടംപിടിച്ചത്. ബെംഗളൂരുവിൽ വെറും 10 കിലോമീറ്റർ ദൂരം സഞ്ചരിക്കാൻ ശരാശരി 35.18 മിനിറ്റ് സമയം വേണമെന്നാണ് കണക്കുകൾ വ്യക്തമാക്കുന്നത്. 33.20 മിനിറ്റ് സമയം രേഖപ്പെടുത്തിയ പൂനെയാണ് പട്ടികയിൽ രണ്ടാമത്. കൊൽക്കത്തയും തൊട്ടുപിന്നാലെയുണ്ട്. നഗരത്തിൽ പ്രതിദിനം 3,000 പുതിയ വാഹനങ്ങൾ…

 ബെം​ഗളൂരു: ക്ഷേത്രദർശനത്തിനിടെ ഡ്യൂട്ടിയിലുണ്ടായിരുന്ന വനിതാ സബ് ഇൻസ്പെക്ടറെ അധിക്ഷേപിക്കുകയും മർദ്ദിക്കുകയും ചെയ്തെന്ന പരാതിയിൽ തുമകൂരു എം.എൽ.എ ബി. സുരേഷ് ഗൗഡയുടെ മകൾ ഐശ്വര്യ ഗൗഡയ്‌ക്കെതിരെ പോലീസ് കേസ് എടുത്തു. പാണ്ഡവപുര താലൂക്കിലെ ക്യാതനഹള്ളി പോലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. ഓഗസ്റ്റ് 12-ന് ഭീമന അമാവാസി ദിനത്തിൽ പാണ്ഡവപുര താലൂക്കിലെ പ്രസിദ്ധമായ ആരതി ഉക്കടയിലെ അഹല്യാദേവി ക്ഷേത്രത്തിൽ വെച്ചായിരുന്നു സംഭവം. ഉത്സവത്തോടനുബന്ധിച്ച് ആയിരക്കണക്കിന് ഭക്തരാണ് ക്ഷേത്രത്തിൽ തടിച്ചുകൂടിയിരുന്നത്. ബുധനാഴ്ച ഉച്ചയോടെ ക്ഷേത്രത്തിലെത്തിയ ഐശ്വര്യ, സ്വാധീനം ഉപയോഗിച്ച് വി.ഐ.പി (VIP) പ്രവേശനം നേടുകയായിരുന്നു. ശ്രീകോവിലിനുള്ളിലേക്ക് കടത്തിവിടണമെന്ന്…