Author: ന്യൂസ്‌ ഡെസ്ക്

ബെംഗളൂരു: സംസ്ഥാനത്ത് വലിയ മരുകൊക്ക് (Great Indian Bustard) വംശം അറ്റുപോകുന്ന നിലയിലാണ്. വിരലിൽ എണ്ണാവുന്നവ മാത്രമാണ് അവശേഷിക്കുന്നത്. എന്നാൽ അലക്ഷ്യമായ സമീപനത്തോടെയാണ് വനം വകുപ്പിന്റെ ഉപദേശക സമിതി പ്രവർത്തിക്കുന്നതെന്ന് ഹൈക്കോടതി കുറ്റപ്പെടുത്തി. ഇവിടെ ഗുരുതരമായ വംശനാശം നേരിടുന്ന ഈ പക്ഷിയെ സംരക്ഷിക്കാനുള്ള സമിതിയിൽ വിദഗ്ധരില്ല. എന്തിനാണ് ഈ ഒന്നിനും കൊള്ളാത്ത സമിതി? അടിയന്തരമായി വിദഗ്ധരെ ഉൾപ്പെടുത്തി സമിതി പുനഃസംഘടിപ്പിക്കാൻ കർണാടക ഹൈക്കോടതി സംസ്ഥാന സർക്കാറിന് അന്ത്യശാസനം നൽകി. കർണാടകത്തിൽ നിലവിലുള്ളവയെ സംരക്ഷിക്കാനാണ് വിദഗ്ധ സമിതി രൂപീകരിച്ചത്. പക്ഷെ സമിതിയിൽ വിദഗ്ധർ ഇല്ലാത്ത അവസ്ഥയാണ്. ഈ…

ബെംഗളൂരു: കോവിഡ് വാക്സിനേഷന് അധ്യാപകർക്ക് മുൻഗണന നൽകണമെന്ന് ആവശ്യം. അധ്യാപകരെ കോവിഡ് മുന്നണി പോരാളികളായി കണക്കാക്കി കോവിഡ് വാക്സിനേഷന് മുൻഗണന നൽകണമെന്ന് പ്രാഥമിക വിദ്യാഭ്യാസമന്ത്രി എസ്. സുരേഷ് കുമാറാണ് കേന്ദ്രസർക്കാരിനോട് ആവശ്യപ്പെട്ടത്. കോവിഡ് വ്യാപനം തടയാൻ അധ്യാപകരും വിദ്യാഭ്യാസവകുപ്പിലെ ജീവനക്കാരും നിർണായക പങ്ക് വഹിച്ചെന്ന് പ്രധാനമന്ത്രി നരേന്ദ്ര മോദി, കേന്ദ്ര ആരോഗ്യമന്ത്രി ഡോ. ഹർഷ വർധൻ എന്നിവർക്കയച്ച കത്തിൽ പറഞ്ഞു. വീടുകൾ കയറി വിവരങ്ങൾ ശേഖരിക്കുന്നതിനും കോവിഡിനെക്കുറിച്ച് ജനങ്ങളിൽ അവബോധം സൃഷ്ടിക്കാനും അധ്യാപകരുടെ സേവനം സർക്കാർ പ്രയോജനപ്പെടുത്തിയെന്ന് മന്ത്രി പറഞ്ഞു.

ബെംഗളൂരു: നാല് വര്‍ഷത്തെ ശിക്ഷ പൂര്‍ത്തിയാക്കി ശശികല ഇന്ന് ജയില്‍ മോചിതയാകും. അനധികൃത സ്വത്ത് സമ്പാദനക്കേസിലാണ് നാല് വര്‍ഷത്തെ ശിക്ഷ പൂര്‍ത്തിയാക്കി എഐഎഡിഎംകെ മുന്‍ ജനറല്‍ സെക്രട്ടറിയും അന്തരിച്ച മുഖ്യമന്ത്രി ജയലളിതയുടെ സന്തത സഹചാരിയുമായിരുന്ന വി.കെ ശശികല ഇന്ന് ജയില്‍ മോചിതയാകുന്നത്. കോവിഡ് ബാധയെ തുടര്‍ന്ന് നിലവില്‍ ബംഗളൂരു വിക്ടോറിയ ആശുപത്രിയില്‍ ചികിത്സയിലാണ് ശശികല. ശശികലയുടെ ശിക്ഷാ കാലാവധി ഇന്ന് ഔദ്യോഗികമായി അവസാനിയ്ക്കുമെന്ന് പരപ്പന അഗ്രഹാര ജയില്‍ അധികൃതര്‍ അറിയിച്ചു. ജയില്‍ അധികൃതര്‍ ഇന്ന് ആശുപത്രിയിലെത്തി മോചന നടപടികള്‍ പൂര്‍ത്തിയാക്കും. ചികിത്സയിലായതിനാല്‍ ശശികല ഉടന്‍…

ബെംഗളൂരു: കർശന നിയന്ത്രണങ്ങളോടെ മനേക് ഷാ പരേഡ് ഗ്രൗണ്ടിൽ നടക്കുന്ന പതാകയുയർത്തൽ ചടങ്ങിലേക്ക് പൊതുജനങ്ങൾക്ക് പ്രവേശനമുണ്ടാകില്ല. സാധാരണയായി നടത്താറുള്ള കലാപരിപാടികളും ഒഴിവാക്കി. ഒമ്പതിന് ഗവർണർ വാജുഭായ് വാല പതാകയുയർത്തും. കോവിഡ് മാർഗനിർദേശങ്ങൾ പാലിച്ചാണ് ചടങ്ങിനെത്തുന്നവർക്ക് ഇരിപ്പിടം തയ്യാറാക്കിയിരിക്കുന്നത്. മനേക്ഷാ പരഡേ് ഗ്രൗണ്ടിനുസമീപം രാവിലെ 8.30 മുതൽ 10.30 വരെ ഗതാഗതനിയന്ത്രണം ഏർപ്പെടുത്തും. ഇൻഫന്ററി റോഡിൽ നിന്ന് മണിപ്പാൽ സെന്ററിന് സമീപത്തേക്ക് വരുന്ന വാഹനങ്ങൾ മെയിൻ ഗാർഡ് ക്രോസ് റോഡ് വഴി ഡിക്‌സൺ റോഡ് ജംഗ്ഷനിലൂടെ മണിപ്പാൾ സെന്ററിലേക്ക് പോകണം. മണിപ്പാൽ ജംഗ്ഷനിൽ നിന്ന് ബി.…

ബെംഗളൂരു: ഇതുവരെ രാജ്യത്ത് 2 ലക്ഷം പേര്‍ക്ക് കൊവിഡ് വാക്‌സിന്‍ നല്‍കിയ ആദ്യ സംസ്ഥാനമെന്ന പദവി കര്‍ണാടക്ക് സ്വന്തം. ഇന്ന് ഉച്ചയോടെ 2,06,577 പേര്‍ക്ക് കൊവിഡ് വാക്‌സിന്‍ നല്‍കിക്കഴിഞ്ഞതായി ആരോഗ്യവകുപ്പ് അറിയിച്ചു. ജനുവരി 16 മുതലാണ് രാജ്യവ്യാപകമായി കൊവിഡ് വാക്‌സിന്‍ നല്‍കാന്‍ തുടങ്ങിയത്. രാജ്യത്ത് ഇതുവരെ 16 ലക്ഷം പേര്‍ക്ക് കൊവിഡ് വാക്‌സിന്‍ നല്‍കിക്കഴിഞ്ഞു. 28,613 കേന്ദ്രങ്ങളിലായാണ് വാക്‌സിന്‍ നല്‍കിയത്. രാജ്യത്ത് 24 മണിക്കൂറിനുള്ളില്‍ 13,203 പേര്‍ക്ക് കൊവിഡ് സ്ഥിരീകരിച്ചു. 13,298 പേര്‍ രോഗമുക്തരായി. 131 പേര്‍ മരിച്ചു. ഇതുവരെ രാജ്യത്ത് 1,06,67,736 പേര്‍ക്കാണ് കൊവിഡ്…