ബെംഗളൂരു ∙ ഓല ക്യാബിൽ യാത്രക്കാരിയെ ഡ്രൈവർ പൂട്ടിയിട്ട് ഉപദ്രവിക്കാൻ ശ്രമിച്ചതായി പരാതി. പുറത്തിറങ്ങാതിരിക്കാൻ കാറിന്റെ വാതിലുകൾ ലോക്ക് ചെയ്തശേഷം മോശമായി പെരുമാറുകയും പൊലീസിൽ പരാതി നൽകരുതെന്നാവശ്യപ്പെട്ടു പിറ്റേന്നു ഫോണിൽ ഭീഷണിപ്പെടുത്തുകയും ചെയ്തു. ഞായർ രാത്രി പത്തരയോടെ ഇന്ദിരാനഗറിൽനിന്നു ബിടിഎം ലേഔട്ടിലേക്കു യാത്രചെയ്ത യുവതിക്കാണു ദുരനുഭവമുണ്ടായത്. കോറമംഗലയ്ക്കു സമീപം എത്തിയപ്പോൾ ഡ്രൈവർ രാജശേഖർ കാർ റോ‍ഡരികിൽ നിർത്തുകയും പിൻസീറ്റിൽ എത്തി കടന്നുപിടിക്കാൻ ശ്രമിച്ചു.
‘ചൈൽഡ് ലോക്ക്’ ഇട്ടിരുന്നതിനാൽ വാതിൽ തുറന്നു പുറത്തിറങ്ങാൻ കഴിഞ്ഞില്ല. റോഡിൽ മറ്റു വാഹനങ്ങളും കുറവായിരുന്നു. യുവതി കാറിന്റെ ചില്ലിൽ പലവട്ടം ആഞ്ഞിടിച്ച് ബഹളം വച്ചതോടെയാണു പുറത്തിറങ്ങാൻ ഡ്രൈവർ സമ്മതിച്ചത്. കാറിൽനിന്നിറങ്ങി ഓടിയ യുവതി അരകിലോമീറ്റർ അകലെ ഈജിപുര ട്രാഫിക് സിഗ്‌നലിൽ അഭയം തേടുകയായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
