ഭോപ്പാല്: കേരള മുഖ്യമന്ത്രി പിണറായി വിജയന്റെ തലയെടുക്കുന്നവര്ക്ക് ഒരു കോടി പ്രതിഫലം നല്കുമെന്ന് ആര്എസ്എസ് നേതാവ്. മധ്യപ്രദേശിലെ ഉജ്ജയ്നിലെ ഡോ.ചന്ദ്രാവത്ത് എന്ന ആര്എസ്എസ് പ്രമുഖാണ് വിവാദ പ്രസ്താവന നടത്തിയത്. ഉജ്ജയ്നിലെ ഒരു പൊതുപരിപാടിയില് സ്ഥലം എംപിയും എംഎല്എയുടെയും സാന്നിധ്യത്തിലാണ് പ്രസ്താവന.
തന്റെ സ്വത്തുക്കള് മുഴുവന് വിറ്റിട്ടായാലും പിണറായിയുടെ തലയെടുക്കുന്നവര്ക്ക് പ്രതിഫലം നല്കും എന്നാണ് ഡോ.ചന്ദ്രവത്ത്, സ്ഥലം എംപി ചിന്താമണി മാളവ്യ, എംഎഎല്എ മോഹന് യാദവ് എന്നിവരുടെ സാന്നിധ്യത്തില് പ്രസ്താവിച്ചത്.
ആര്എസ്എസ് പ്രവര്ത്തകര് നിരന്തരം കൊല്ലപ്പെടുത്തുന്ന രീതിയാണ് കേരളത്തിലെ കമ്യൂണിസ്റ്റ് പാര്ട്ടി സ്വീകരിക്കുന്നത് എന്നായിരുന്നു ആര്എസ് എസ് നേതാവിന്റെ വിമര്ശനം എന്ന് ഇന്ത്യ ടുഡേ റിപ്പോര്ട്ട് ചെയ്യുന്നു. കഴിഞ്ഞ വാരം മംഗലാപുരത്ത് നടന്ന പൊതുസമ്മേളനത്തില് പിണറായി വിജയന് ആര്എസിഎസിനെ കടന്നാക്രമിച്ചിരുന്നു.
കൊച്ചി: മുഖ്യമന്ത്രി പിണറായി വിജയന്റെ തലയെടുക്കുന്നയാള്ക്ക് ഒരു കോടി രൂപ വിലയിട്ട് ഡോക്ടര് ചന്ദ്രാവത്ത് നടത്തിയ പ്രസ്താവനയെ ആര്എസ്എസ് അഖിലഭാരതീയ സഹപ്രചാര് പ്രമുഖ് ജെ. നന്ദകുമാര് അപലപിച്ചു. അക്രമത്തെക്കുറിച്ചുള്ള ചന്ദ്രാവത്തിന്റെ നിലപാട് ആര്എസ്എസിന് സ്വീകാര്യമല്ലെന്ന് അദ്ദേഹം ട്വിറ്ററിലൂടെ അറിയിച്ചു.
ഉജ്ജയിനിയിലെ ഒരു പൊതുപരിപാടിയില് പങ്കെടുത്ത് സംസാരിക്കവേയാണ് ചന്ദ്രാവത്ത് പ്രസ്താവന നടത്തിയതെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. ആര്എസ്എസ് പ്രവര്ത്തകര് നിരന്തരം കൊല്ലപ്പെടുന്ന രീതിയാണ് കേരളത്തിലെ കമ്യൂണിസ്റ്റ് പാര്ട്ടി സ്വീകരിക്കുന്നത്. ഇതിന് പ്രതികാരമായി പിണറായിയെ വധിക്കണമെന്നായിരുന്നു വിമര്ശനം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
