ബെംഗളൂരു : നാളെ മുതൽ കർണാടക ആർ ടി സി സർവ്വീസ് നടത്തും.
25% (1500) ബസുകൾ മാത്രമേ നാളെ നിരത്തിലിറങ്ങൂ, ഘട്ടം ഘട്ടമായി ബസുകളുടെ എണ്ണം കൂട്ടും.
നാളെ മുതലുള്ള ബസ് സമയക്രമവും കെ.എസ്.ആർ.ടി.സി പ്രഖ്യാപിച്ചിട്ടുണ്ട്.
മൈസൂരുവിലേക്കുള്ള അവസാന ബസ് വൈകുന്നേരം 4 മണിക്ക് നഗരത്തിൽ നിന്ന് പുറപ്പെടും.
ശിവമൊഗ്ഗയിലേക്ക് ഉള്ള അവസാന ബസ് ഉച്ചക്ക് 12 മണിക്കാണ്. 7 മണിക്കൂർ സമയമെടുക്കും യാത്ര.
ദാവനഗെരെയിലേക്കുള്ള അവസാന ബസ് ഉച്ചക്ക് ഒരു മണിക്കാണ്.
ഹാസനിലേക്കുള്ള അവസാന ബസ് 3.30നും മംഗളൂരുവിലേക്കുള്ള അവസാന ബസ് 11:30നുമായിരിക്കും.
നിരക്കിൽ വ്യത്യാസമുണ്ടായിരിക്കില്ല, രാവിലെ 7 മുതൽ രാത്രി 7 വരെ മാത്രമേ സർവീസുണ്ടാവുകയുള്ളൂ.
കണ്ടയിൻമെൻ്റ് സോണുകളിൽ സർവ്വീസ് ഉണ്ടായിരിക്കില്ല.
ബസിലും ബസ് സ്റ്റേഷനിലും സാമൂഹിക അന്തരം പാലിക്കണം.
ഫേസ് മാസ്ക്ക് നിർബന്ധമാണ്.30 പേരെ മാത്രമേ ഒരു ബസിൽ അനുവദിക്കുകയുള്ളൂ.
എ.സി.ബസുകൾ ഉണ്ടാവില്ല, സംസ്ഥാനന്തര സർവീസുകൾ ഇല്ല. ഞായറാഴ്ച സർവ്വീസ് ഉണ്ടായിരിക്കില്ല, യാത്രക്കാരെ തെർമ്മൽ സക്രീനിങ്ങിന് വിധേയമാക്കും.
കുറവ് ലഗേജുകളുമായി മാത്രം യാത്ര ചെയ്യുക, വഴിയിൽ ഭക്ഷണത്തിന് നിർത്തുന്നതല്ല അതുകൊണ്ട് യാത്രക്കാർ ഭക്ഷണവും വെള്ളവും കയ്യിൽ കരുതണം.
www.ksrtc.in എന്ന വെബ് സൈറ്റിൽ അഡ്വാൻസ് ടിക്കറ്റ് ബുക്ക് ചെയ്യാം.
