ഭൂചലനമുണ്ടായ മ്യാൻമറിലേക്ക് സഹായഹസ്തവുമായി ഇന്ത്യ.
ഏകദേശം 15 ടൺ ദുരിതാശ്വാസ വസ്തുക്കൾ മ്യാൻമറിലേക്ക് സൈനിക വിമാനം പുറപ്പെട്ടു.
ഹിൻഡൺ വ്യോമസേനാ സ്റ്റേഷനിൽ നിന്ന് ഇന്ത്യൻ വ്യോമസേനയുടെ C130J വിമാനത്തിലാണ് അവശ്യസാധനങ്ങള് കൊണ്ടുപോകുന്നത്.
ടെന്റുകള്, സ്ലീപ്പിംഗ് ബാഗുകള്, പുതപ്പുകള്, റെഡി-ടു-ഈറ്റ് ഭക്ഷണം, വാട്ടര് പ്യൂരിഫയറുകള്, സോളാര് ലാമ്പുകള്, ജനറേറ്റര് സെറ്റുകള്, അവശ്യ മരുന്നുകള് തുടങ്ങിയ സാധനങ്ങളാണ് അയക്കുക. തായ്ലന്റിലെ ഇന്ത്യന് എംബസി ഹെല്പ് ലൈന് നേരത്തെ തുറന്നിരുന്നു.
അമേരിക്കന് പ്രസിഡന്റ് ഡോണള്ഡ് ട്രംപ് മ്യാന്മറിന് സഹായമെത്തിക്കുമെന്ന് അറിയിച്ചിട്ടുണ്ട്. രാജ്യത്ത് വ്യാപക നാശനഷ്ടങ്ങളുണ്ടായി.
പാലങ്ങളും കെട്ടിടങ്ങളും തകര്ന്നു. തായ്ലന്റ് തലസ്ഥാനമായ ബാങ്കോക്കിലും വലിയ നാശനഷ്ടങ്ങളുണ്ട്.
നിര്മാണത്തിലിരുന്ന ബഹുനില കെട്ടിടം തകര്ന്നുവീണ് നിരവധി തൊഴിലാളികള് കുടുങ്ങിക്കിടക്കുകയാണ്. രണ്ട് രാജ്യങ്ങളിലും അടിയന്തരാവസ്ഥ പ്രഖ്യാപിച്ചു.
