Day: 27 November 2025

ബെംഗളൂരു : മുഖ്യമന്ത്രിയാകുന്നതിന് ഡി.കെ. ശിവകുമാറിനെ പിന്തുണയ്ക്കാൻ തയ്യാറാണെന്ന് ബിജെപി. ശിവകുമാർ സമീപിച്ചാൽ പുറത്തുനിന്ന് പിന്തുണയ്ക്കാൻ തയ്യാറാണെന്ന് മുൻമുഖ്യമന്ത്രിയും ബിജെപിയുടെ മുതിർന്നനേതാവുമായ സദാനന്ദഗൗഡ പറഞ്ഞു. ഇതേസമയം, ശിവകുമാർ മുഖ്യമന്ത്രിയാകുമോയെന്ന കാര്യത്തിൽ അന്തിമതീരുമാനം ബിജെപി കേന്ദ്ര നേതൃത്വത്തിന്റേതായിരിക്കുമെന്നും ഗൗഡ കൂട്ടിച്ചേർത്തു.  

ബെംഗളൂരു : അപകടരമായരീതിയിൽ മകൻ ബൈക്കഭ്യാസം നടത്തിയതിന്റെ പേരിൽ അച്ഛന് 25,000 രൂപ പിഴ. മാർച്ചിൽ നടന്ന സംഭവത്തിൽ പ്രത്യേക മജിസ്‌ട്രേറ്റ് കോടതിയാണ് പ്രായപൂർത്തിയാകാത്ത മകന്റെ തെറ്റിന് അച്ഛനിൽനിന്ന് പിഴ ഈടാക്കാൻ ഉത്തരവിട്ടത്. ബെംഗളൂരുവിലെ രാജാജി നഗർ വെസ്റ്റ് ഓഫ് കോഡ് റോഡിൽ മാർച്ച് 27-ന് രാത്രിയിലാണ് കേസിന് ആസ്പദമായ സംഭവംനടന്നത്. 17-കാരൻ അമിതവേഗത്തിൽ ബൈക്ക് ഓടിക്കുകയും ഒരുചക്രത്തിൽ ഉയർത്തുക തുടങ്ങിയ അഭ്യാസപ്രകടനങ്ങൾ കാട്ടുകയുമായിരുന്നു. ഇതിന്റെ സിസിടിവി ക്യാമറ ദൃശ്യങ്ങൾ സാമൂഹികമാധ്യമങ്ങളിൽ പ്രചരിച്ചു. തുടർന്ന് ട്രാഫിക് പോലീസ് കേസെടുത്തു. ബൈക്കിന്റെ ആർസി നമ്പർ കേന്ദ്രീകരിച്ചുനടത്തിയ…

കോഴിക്കോട് നിന്ന് ബെംഗളൂരുവിലേക്കുള്ള സ്വകാര്യ ബസ്സിലെ ഡ്രൈവർ മദ്യപിച്ച് വാഹനമോടിക്കുന്നതിന്റെ ദൃശ്യങ്ങൾ പുറത്ത്. ദീർഘദൂര സർവീസുകൾ നടത്തുന്ന ഭാരതി ട്രാവൽസിന്റെ ബസ്സിലായിരുന്നു സംഭവം. മദ്യപിച്ച് വാഹനമോടിക്കുന്ന ഡ്രൈവറേയും മദ്യപിച്ച് ക്യാബിനിൽ കിടക്കുന്ന ക്ലീനറേയും ദൃശ്യങ്ങളിൽ കാണാം. തിങ്കളാഴ്ചയായിരുന്നു സംഭവം. സർവീസ് ആരംഭിച്ച് അസ്വാഭാവികമായ ഡ്രൈവിങ്ങ് ശ്രദ്ധയിൽപ്പെട്ട കോഴിക്കോട് സ്വദേശിയായ അഹമ്മദ് സനോബർ ആണ് വീഡിയോ പകർത്തിയത്. ക്ലീനർ പൂർണ്ണമായും മദ്യപിച്ച് ബോധമില്ലാത്ത അവസ്ഥയിലായിരുന്നു. ഡ്രൈവറും നന്നായി മദ്യപിച്ചിരുന്നു. ‘ബസ് നിർത്താൻ ആവശ്യപ്പെട്ടെങ്കിലും ഇയാൾ തയ്യാറായിരുന്നില്ല. 35-ൽ അധികം യാത്രക്കാരുണ്ടായിരുന്നു ബസ്സിൽ. അവസാനം, യാത്രക്കാർ വഴക്കിട്ടതിന്…

ബെംഗളൂരു : ഭർത്താവിന്റെയും കുടുംബത്തിന്റെയും സ്ത്രീധന പീഡനം സഹിക്കവയ്യാതെ യുവതി മരണക്കുറിപ്പ് എഴുതിവച്ച് ശിവമോഗയിലെ ഭദ്ര ബൽദണ്ട കനാലിലേക്ക് ചാടി . സംഭവം നടന്ന് മൂന്ന് ദിവസം കഴിഞ്ഞിട്ടും കനാലിലേക്ക് ചാടിയ യുവതിയെ കണ്ടെത്താനായില്ല. വാർത്ത പുറത്തുവന്നയുടൻ ഭർത്താവും കുടുംബാംഗങ്ങളും ഒളിവിൽ പോയി . ഭർത്താവിന്റെ മൊബൈൽ ഫോൺ സ്വിച്ച് ഓഫ് ആയിരുന്നു. സംഭവത്തിൽ ഹോളെഹൊന്നൂർ പോലീസ് കേസെടുത്ത് അന്വേഷണം ആരംഭിച്ചു . ഭദ്രാവതിയിലെ ഡി.ബി. ഗ്രാമത്തിൽ നിന്നുള്ള ലതയുടെയും ശിക്കാരിപുര താലൂക്കിലെ ഡിണ്ടിനഹള്ളി ഗ്രാമത്തിൽ നിന്നുള്ള ഗുരുരാജിന്റെയും വിവാഹം 2025 ഏപ്രിൽ 14-നാണ്…

ബെംഗളൂരു : ബെംഗളൂരുവിൽ പുതുവത്സരാഘോഷം ലക്ഷ്യമിട്ട് ശേഖരിച്ചുവെച്ച വൻ മയക്കുമരുന്ന് ശേഖരം പോലീസ് പിടികൂടി. 11.64 കിലോഗ്രാം എംഡിഎംഎ ക്രിസ്റ്റലും 1040 തീവ്ര ലഹരിഗുളികകളും 2.35 കിലോഗ്രാം മയക്കുമരുന്ന് നിർമാണ അസംസ്കൃത വസ്തുക്കളുമാണ് സെൻട്രൽ ക്രൈം ബ്രാഞ്ചിന്റെ ആന്റി നർകോട്ടിക്സ് വിഭാഗം പിടികൂടിയത്. ഇവയ്ക്ക് മൊത്തം 23.74 കോടി രൂപ വിലവരുമെന്ന് പോലീസ് പറഞ്ഞു. സാത്തനൂർ മെയിൻ റോഡിലെ വാടകവീട്ടിൽ നടത്തിയ പരിശോധനയിലാണ് ഇവ പിടികൂടിയത്. മയക്കുമരുന്ന് സൂക്ഷിച്ചുവെച്ച നൈജീരിയൻ പൗരൻ ഇജികെ സെഗ്വുവിനെ(42) പോലീസ് അറസ്റ്റുചെയ്തു. വീട് വാടകയ്ക്കെടുത്ത് താമസിച്ച് മയക്കുമരുന്ന് കച്ചവടം…