കൊല്ലം: റോഡ് നിയമലംഘനങ്ങള്ക്ക് പിഴയടപ്പിക്കാന് ഓടി നടന്ന മോട്ടോര് വാഹന വകുപ്പിന്റെ വാഹനത്തിന് പിഴ അടപ്പിച്ച് യുവാവ്.
പുക പരിശോധന സര്ട്ടിഫിക്കറ്റില്ലാതെ നിരത്തിലിറങ്ങിയ സര്ക്കാര് വാഹനത്തിനാണ് റോഡില് തടഞ്ഞ് നിര്ത്തി വാഹനത്തിലെ ഉദ്യോഗസ്ഥരെ കൊണ്ട് തന്നെ പിഴ അടപ്പിച്ചത്.
കൊല്ലം ഓയൂര് ജങ്ഷനില് കഴിഞ്ഞ ദിവസമാണ് സംഭവം.
വാഹന പരിശോധന നടത്തുന്ന എംവിഡി ഉദ്യോഗസ്ഥരെ കണ്ട സമീപത്തെ കടയിലെ ജീവനക്കാരന് പരിവാഹന് സൈറ്റില് കയറി സര്ക്കാര് വാഹനത്തിന് പൊല്യൂഷന് സര്ട്ടിഫിക്കറ്റ് ഉണ്ടോ എന്ന് പരിശോധിച്ചു.
ജനുവരി 25 കാലാവധി അവസാനിച്ച വണ്ടിയുമായാണ് എത്തിയതെന്ന് മനസിലാക്കിയ ഇയാള് വാഹനത്തിനടുത്ത് വന്ന് ഉദ്യോഗസ്ഥരോട് ഈ വാഹനത്തിന് പിഴയീടാക്കണം എന്ന് ആവശ്യപ്പെടുകയായിരുന്നു.
