ബെംഗളൂരു : പൂജ അവധിയോടനുബന്ധിച്ച് ബെംഗളൂരുവിൽ നിന്ന് കേരളത്തിലേക്കുള്ള സ്വകാര്യബസുകൾ ടിക്കറ്റ് നിരക്ക് ഉയർത്തി.
യാത്രതിരക്ക് കൂടുതലുള്ള 20-ന് എറണാകുളത്തേക്ക് സ്വകാര്യബസുകളിലെ ഏറ്റവും കൂടിയനിരക്ക് 5,000 ആണ്.
നാലുപേരുള്ള കുടുംബത്തിന് ഈ ബസിൽ നാട്ടിൽപോകണമെങ്കിൽ ചെലവഴിക്കേണ്ടത് 20,000 രൂപ.
അവധികഴിഞ്ഞ് മടങ്ങിവരുന്നതും ഈ ബസിലാണെങ്കിൽ ചെലവാകുന്നത് 40,000 രൂപ.
സ്വകാര്യ വോൾവോ മെഡിസിറ്റി ആക്സിൽ എ.സി. സ്ലീപ്പർ ബസിനാണ് 5,000 രൂപ നിരക്ക്.
മിക്ക ബസുകളിലും 3000-ത്തിനും 5000-ത്തിനും ഇടയിലാണ് ടിക്കറ്റ് നിരക്ക്.
ഏറ്റവും കുറഞ്ഞനിരക്ക് 2,000 രൂപ. 21-നുള്ള ബസുകളിലും സമാനമായ നിരക്കാണ്.
നിരക്ക് ഇനിയും ഉയർന്നേക്കാനും സാധ്യതയുണ്ട്. സാധാരണദിവസങ്ങളിൽ എറണാകുളത്തേക്ക് 2000-ത്തിനും 2500-നും ഇടയിലാണ് ടിക്കറ്റ് നിരക്ക്.
20, 21 തീയതികളിൽ കോഴിക്കോട്ടേക്ക് പരമാവധി നിരക്ക് 3,000 രൂപ. എ.സി. സ്ലീപ്പർബസിനാണ് ഈ നിരക്ക്. നോൺ എ.സി. സെമിസ്ലീപ്പറിന് 1200-നും 1500-നും ഇടയിൽ നിരക്ക് ഈടാക്കുന്നുണ്ട്.
തിരുവനന്തപുരത്തേക്ക് പരമാവധി 4,500 രൂപ. മിക്ക ബസുകൾക്കും 4000-ത്തിനടുത്താണ് നിരക്ക്.
തീവണ്ടികളിലും ആർ.ടി.സി. ബസുകളിലും ടിക്കറ്റില്ലാത്തത് മുതലെടുത്താണ് സ്വകാര്യബസുകളുടെ നിരക്ക് വർധന.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
