ബെംഗളൂരു: അവശ്യസാധനങ്ങളുടെ വിലക്കയറ്റത്തെ തുടർന്ന് തങ്ങളുടെ പരിധിയിൽ വരുന്ന റസ്റ്റോറന്റുകളിലും ഫാസ്റ്റ് ഫുഡ് ഔട്ട്ലെറ്റുകളിലും ഭക്ഷണവില 10 മുതൽ 15 ശതമാനം വരെ വർധിപ്പിക്കാനൊരുങ്ങി ബെംഗളൂരുവിലെ ഹോട്ടൽ ഓണേഴ്സ് അസോസിയേഷൻ. ജൂലൈ 25 ന് ബെംഗളൂരു ഹോട്ടൽ ഓണേഴ്സ് അസോസിയേഷൻ വിളിച്ച യോഗത്തിൽ ഇക്കാര്യത്തിൽ അന്തിമ തീരുമാനമുണ്ടാകും .
വൈദ്യുതി, ചരക്കുകൾ, ഭക്ഷ്യവസ്തുക്കളുടെ വില വർദ്ധനവ് കാരണം വിപണിയിൽ നിലനിൽക്കാൻ തങ്ങൾ ഭക്ഷണത്തിന്റെ വില വർധിപ്പിക്കാൻ നിർബന്ധിതരാണെന്ന് ഹോട്ടൽ ഓണേഴ്സ് അസോസിയേഷൻ അവകാശപ്പെടുന്നത്.
വൈദ്യുതി ബില്ലുകൾ വർദ്ധിച്ചു, സാധനങ്ങളുടെ വില വർധിച്ചു, പച്ചക്കറികൾക്ക് വില കൂടുന്നു. വിപണിയിൽ നിലനിൽക്കാൻ,ഇതോടെ ഹോട്ടൽ ഉടമകൾ അതത് ഹോട്ടലുകളിൽ അവർ വാഗ്ദാനം ചെയ്യുന്ന ഭക്ഷണ വിലയിൽ 10 ശതമാനമെങ്കിലും വർധിപ്പിക്കാൻ നിർബന്ധിതരാകുന്നു. ചില ഹോട്ടൽ ഉടമകൾ ഇതിനകം തന്നെ വില വർധിപ്പിച്ചിട്ടുണ്ട്, ചിലർ ആഷാഡം കഴിയാൻ കാത്തിരിക്കുകയാണ്, അതിനുശേഷം അവർ വില വർദ്ധിപ്പിക്കുമെന്ന് ബെംഗളൂരു ഹോട്ടൽ ഓണേഴ്സ് അസോസിയേഷൻ പ്രസിഡന്റ് പിസി റാവു പറഞ്ഞു.
പാലിന്റെ വില വർധനവ് പ്രതീക്ഷിക്കുന്നതായും അതിന്റെ അടിസ്ഥാനത്തിൽ ജൂലൈ 25 ന് വിളിക്കുന്ന യോഗത്തിൽ തീരുമാനമെടുക്കുമെന്നും അദ്ദേഹം കൂട്ടിച്ചേർത്തു .
നന്ദിനി പാലിന്റെ വില ലിറ്ററിന് 5 രൂപ വർധിപ്പിക്കണമെന്നാവശ്യപ്പെട്ട് കർണാടക മിൽക്ക് ഫെഡറേഷൻ (കെഎംഎഫ്) ചെയർമാൻ ഭീമ നായിക്കിന്റെ നേതൃത്വത്തിലുള്ള പ്രതിനിധി സംഘം വെള്ളിയാഴ്ച വൈകിട്ട് മുഖ്യമന്ത്രി സിദ്ധരാമയ്യയെ കാണും.
വില വർധിപ്പിക്കാതെ ഹോട്ടൽ ഉടമകൾക്ക് നിലവിലെ വിപണിയിൽ പിടിച്ചുനിൽക്കാൻ കഴിയില്ലെന്ന് റാവു അവകാശപ്പെട്ടു.
കർണാടക ഇലക്ട്രിസിറ്റി റെഗുലേറ്ററി കമ്മീഷൻ (കെഇആർസി) മെയ് 12 ലെ വൈദ്യുതി നിരക്ക് വർധിപ്പിച്ച ഉത്തരവ് നടപ്പാക്കാൻ തീരുമാനിച്ചതിന് പിന്നാലെ നഗരത്തിലെ ചില ഹോട്ടലുകളും ദർശിനികളും അടുത്തിടെ ഭക്ഷണ വില വർധിപ്പിച്ചിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
