ബെംഗളൂരു : കർണാടക പോലീസ് ഡയറക്ടർ ജനറൽ (ഡിജിപി) പ്രവീൺ സൂദ് സെൻട്രൽ ബ്യൂറോ ഓഫ് ഇൻവെസ്റ്റിഗേഷന്റെ (സിബിഐ) അടുത്ത ഡയറക്ടറായി ഇന്നലെ സർക്കാർ ഉത്തരവ് പുറപ്പെടുവിച്ചു . സ്ഥാനമൊഴിയുന്ന സിബിഐ മേധാവി സുബോധ് കുമാർ ജയ്സ്വാൾ മെയ് 25 ന് കാലാവധി പൂർത്തിയാക്കിയതിന് ശേഷം ചുമതലയേറ്റ തീയതി മുതൽ രണ്ട് വർഷത്തേക്ക് സൂദിനെ ഈ സ്ഥാനത്തേക്ക് നിയമിച്ചിരിക്കുന്നത്.
2021 മെയ് 26 ന് ജയ്സ്വാൾ സിബിഐ ഡയറക്ടറായി ചുമതലയേറ്റു. പ്രധാനമന്ത്രി നരേന്ദ്ര മോദി, ചീഫ് ജസ്റ്റിസ് ഡി വൈ ചന്ദ്രചൂഡ്, ലോക്സഭയിലെ പ്രതിപക്ഷ നേതാവ് അധീർ രഞ്ജൻ ചൗധരി എന്നിവരടങ്ങുന്ന ഉന്നതാധികാര സമിതി കഴിഞ്ഞ ശനിയാഴ്ച യോഗം ചേർന്ന് ജയ്സ്വാളിന്റെ പിൻഗാമിയെ തീരുമാനിക്കുകയും ചെയ്തു. 59 കാരനായ പ്രവീൺ സൂദിനെയാണ് ഉന്നത സ്ഥാനത്തേക്ക് തിരഞ്ഞെടുത്തത്.
സൂദിനെ കൂടാതെ, മധ്യപ്രദേശ് ഡിജിപി സുധീർ സക്സേനയുടെയും 1987 ബാച്ചിലെ യുടി കേഡറിലെ ഒരു ഉദ്യോഗസ്ഥന്റെയും പേരുകൾ ചർച്ച ചെയ്യപ്പെട്ടു. സിബിഐ മേധാവിയായി നിയമിക്കപ്പെടുന്ന കർണാടക കേഡറിലെ മൂന്നാമത്തെ ഐപിഎസ് ഓഫീസറാണ് പ്രവീൺ സൂദ്. ജോഗീന്ദർ സിംഗ്, ഡിആർ കാർത്തികേയൻ എന്നിവരായിരുന്നു മറ്റ് രണ്ട് പേർ.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
