ബെംഗളൂരു :കർണാടകയിലെ ഹാസൻ ജില്ലയിൽ മദ്യപിച്ച് വാഹനമോടിച്ച ട്രക്ക് ഡ്രൈവർ ബൈക്കുമായി കൂട്ടിയിടിച്ച് ഇരട്ടക്കുട്ടികളും അമ്മയും മരിച്ചു. വണ്ടി ഇടിച്ച നാല് യാത്രക്കാരിൽ മൂന്ന് പേർ മരിച്ചു. മരിച്ച മൂന്ന് പേരിൽ ഇരട്ടകളും അവരുടെ അമ്മയും ഉൾപ്പെടുന്നുവെന്ന് പോലീസ് പറഞ്ഞു.
ഡിസംബർ 19 ഞായറാഴ്ച വൈകീട്ടാണ് സംഭവം നടന്നത്. മൂന്ന് വയസ്സുള്ള പ്രണതി, പ്രണവ് എന്നിവരും അവരുടെ അമ്മ ജ്യോതിയുമാണ് മരിച്ചത്. മരിച്ച കുട്ടികളുടെ പിതാവ് ശിവാനന്ദിന്റെ നില ഗുരുതരമാണ്.
ഹാസൻ നഗരത്തിന്റെ പ്രാന്തപ്രദേശത്തുള്ള ദേശീയ പാതയിലാണ് സംഭവം നടന്നതെന്ന് പോലീസ് പറഞ്ഞു. മരിച്ചവരുടെ കുടുംബം സഞ്ചരിച്ചിരുന്ന ബൈക്കിൽ ട്രക്ക് ഇടിക്കുകയായിരുന്നു. ബൈക്കിൽ ഇടിക്കുന്നതിന് മുമ്പ് ട്രക്ക് മറ്റ് നാല് വാഹനങ്ങളിലും ഇടിച്ചിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
