Month: January 2021

ബെംഗളൂരു: നഗരത്തിൽ  20 കിലോ കഞ്ചാവുമായി മൂന്നുമലയാളി യുവാക്കൾ പിടിയിൽ. തൃശ്ശൂർ സ്വദേശി ആന്റണി (31),എറണാകുളം സ്വദേശി അസ്‌ലം (28), സർജാപൂരിൽ താമസക്കാരനായ മുഹമ്മദ് ആഷിഖ് (29) എന്നിവരാണ് ഇലക്ട്രോണക് സിറ്റി ഫേസ് രണ്ടിൽ വച്ച് നാർക്കോട്ടിക് സെല്ലിൻ്റെ പിടിയിലായത്. രഹസ്യ വിവരത്തെത്തുടർന്ന് പോലീസ് നടത്തിയ പരിശോധനയിലാണ് ഇലക്‌ട്രോണിക് ഇവർ പിടിയിലായത്. ആന്ധ്രാപ്രദേശ്,ഒഡിഷ, എന്നിവിടങ്ങളിൽ നിന്നാണ് ഇവർ കഞ്ചാവ് എത്തിച്ചതെന്നാണ് പോലീസിന്റെ നിഗമനം. പുതുവത്സരാഘോഷത്തിന് നഗരത്തിൽ വിൽപ്പനയ്ക്കെത്തിച്ചതാണ് കഞ്ചാവെന്ന് പോലീസ് അറിയിച്ചു.

ബെംഗളൂരു: സംസ്ഥാനത്ത് നിന്നുള്ള 1000 നഴ്സുമാർക്ക് ബ്രിട്ടനിൽ ജോലി നൽകാനുള്ള നടപടികൾ ആരംഭിച്ചതായി ഉപമുഖ്യമന്ത്രി അശ്വഥ് നാരായണ. ഇതുമായി ബന്ധപ്പെട്ട കരാർ നാഷണൽ ഹെൽത്ത് സർവ്വീസസ് ഓഫ് ബ്രിട്ടനും ഹെൽത്ത് എഡ്യൂക്കേഷൻ ലണ്ടനും കെ.വി.ടി.എസ്.ഡി.സി.യായി ഒപ്പുവച്ചു. 20 ലക്ഷം രൂപയുടെ വാർഷിക പാക്കേജ് ആണ് ബ്രിട്ടൻ സർക്കാർ മുന്നോട്ട് വച്ചിരിക്കുന്നത്. ഇവർക്ക് വേണ്ട പരിശീലനം കർണാടക വൊക്കേഷണൽ ട്രൈയിനിങ് ആൻഡ് സ്കിൽ ഡവലപ്പ്മെൻ്റ് കോർപ്പറേഷൻ നൽകും.

ബെംഗളൂരു : 88500 പേർക്ക് തൊഴിലവസരം സൃഷ്ടിക്കപ്പെടുന്ന തുമക്കുരു വ്യവസായ മേഖലക്ക് കേന്ദ്രം അനുമതി നൽകിയതായി വ്യവസായ മന്ത്രി ജഗദീഷ് ഷെട്ടർ. ചെന്നൈ- ബെംഗളൂരു വ്യാവസായിക ഇടനാഴികയുടെ ഭാഗമായ ഇവിടെ 1702 കോടി ചെലവിൽ 815 ഏക്കർ സ്ഥലത്താണ് വിഭാവനം ചെയ്യുന്നത്. ആത്മ നിർഭർ ഭാരത് പദ്ധതിക്ക് സഹായമാകുന്നതിനൊപ്പം മെഷീൻ ടൂൾസ് നിർമ്മാണം, പ്രതിരോധം, എയറോ സ്പേസ്, ഓട്ടോ മൊബൈൽ, ഐ.ടി.ബി.ടി. എന്നീ രംഗങ്ങളിലെ വളർച്ചക്ക് വിദേശ നിക്ഷേപം ആകർഷിക്കാനും ഈ വ്യവസായ മേഖല സഹായകമാകും.