Month: November 2020

ബെംഗളൂരു : തുടര്‍ച്ചയായ അഞ്ചാം ദിവസവും എന്‍ഫോഴ്സമെന്റ് ഡയറക്ടറേറ്റ് (ഇഡി) ബിനീഷ് കോടിയേരിയെ ചോദ്യം ചെയ്യുന്നു.ശാരീരികമായി വയ്യെന്നും സമ്മര്‍ദം നേരിടുന്നതായും ബിനീഷ് ഓഫിസിനു മുന്നില്‍ വച്ചു മാധ്യമങ്ങളോടു പറഞ്ഞു. അതേസമയം, കസ്റ്റഡി അവസാനിക്കാന്‍ മണിക്കൂറുകള്‍ മാത്രം ബാക്കി നില്‍ക്കെ ഇ.ഡി.യുടെയും നർകോട്ടിക്സ് കൺട്രോൾ ബ്യൂറോ (എൻസിബി)യുടെയും തുടര്‍നീക്കങ്ങള്‍ എന്താകുമെന്നാണ് ഇനിയറിയാനുള്ളത്. ഇന്നലെ ചോദ്യം ചെയ്യുന്നതിനിടെ, ദേഹാസ്വാസ്ഥ്യം അനുഭവപ്പെട്ട ബിനീഷ് കോടിയേരിയെ ആശുപത്രി പരിശോധനയ്ക്കുശേഷം രാത്രിയോടെ വിൽസൻ ഗാർഡൻ പൊലീസ് സ്റ്റേഷനിലേക്കു മാറ്റിയിരുന്നു. ചെയ്യാത്ത കാര്യം ചെയ്തെന്നു പറയിപ്പിക്കാന്‍ എന്‍ഫോഴ്സമെന്റ് ഡയറക്ടറേറ്റ് (ഇഡി) ശ്രമിക്കുന്നുവെന്ന് ബിനീഷ്…

ബെംഗളൂരു: കോവിഡ് മാനദണ്ഡങ്ങൾ ലംഘിച്ചതിന് നടൻ ദർശനെതിരേ കേസ്. തിരഞ്ഞെടുപ്പ് പ്രചാരണത്തിനുള്ള കോവിഡ് മാനദണ്ഡങ്ങൾ ലംഘിച്ചതിനാണ് നടൻ ദർശനെതിരേ ബൃഹത് ബെംഗളൂരു മഹാനഗര പാലികെ(ബി.ബി.എം.പി.) കേസെടുത്തത്. ദുരന്തനിവാരണ നിയമപ്രകാരമാണ് കേസെടുത്തതെന്ന് ജില്ലാ തിരഞ്ഞെടുപ്പ് ഓഫീസറും ബി.ബി.എം.പി. കമ്മിഷണറുമായ എൻ. മഞ്ജുനാഥ പ്രസാദ് പറഞ്ഞു. കഴിഞ്ഞ ദിവസം ആർ.ആർ. നഗർ ബി.ജെ.പി. സ്ഥാനാർഥി മുനിരത്നയ്ക്കു വേണ്ടിയായിരുന്നു ദർശൻ തിരഞ്ഞെടുപ്പ് പ്രചാരണം നടത്തിയത്. പ്രചാരണത്തിന്റെ വീഡിയോയും ചിത്രങ്ങളും തെളിവായി ലഭിച്ചിട്ടുണ്ടെന്നും അദ്ദേഹം വ്യക്തമാക്കി. വീഡിയോ അടക്കമുള്ള തെളിവുകൾ കോടതിയിൽ ഹാജരാക്കിയ ശേഷം കുറ്റക്കാരനെന്നു കണ്ടെത്തിയാൽ ഒരുവർഷം വരെ ജയിൽശിക്ഷ…

ബെംഗളൂരു: കോവിഡ് രോഗികളുടെ ചികിത്സയ്ക്കു കിടക്കകൾ നീക്കിവയ്ക്കാത്ത 7 സ്വകാര്യ ആശുപ്രതികൾക്കു ബി.ബി.എം.പി നോട്ടിസ്. പകുതി കിടക്കകൾ കോവിഡ് രോഗികൾക്കു നീക്കിവയ്ക്കണമെന്ന ചട്ടം ലംഘിച്ചതിനു 24 മണിക്കൂറിനകം മറുപടി നൽകണമെന്നും ഇല്ലെങ്കിൽ ലൈസൻസ് റദ്ദാക്കുമെന്നും ബി.ബി.എം.പി കമ്മിഷണർ മഞ്ജുനാഥ പ്രസാദ് അയച്ച് കത്തിൽ പറയുന്നു. ആർടിയം ഹോസ്പിറ്റൽ,രംഗദുരൈ മെമ്മോറിയൽ ഹോസ്പിറ്റൽ, സഞ്ജീവനി ഹോസ്പിറ്റൽ, ഡോ: ജി.വി.ജി. ഹെൽത്ത് കെയർ പ്രൈവറ്റ് ലിമിറ്റഡ്, ശ്രീനിവാസ് ഹോസ്പിറ്റൽ, മെഡ് സ്റ്റാർ ഹോസ്പിറ്റൽ, നന്ദന ഹെൽത്ത് കെയർ സർവ്വീസസ് ഇന്ത്യ ലിമിറ്റഡ് എന്നിവക്കാണ് നോട്ടീസ് നൽകിയത്.

ബെംഗളൂരു : ജീവനക്കാരുടെ ആനുകൂല്യങ്ങൾ നിഷേധിക്കുന്നു എന്നാരോപിച്ച് കർണാടക ആർ.ടി.സി. ജീവനക്കാരുടെ യൂണിയൻ പണിമുടക്കുന്നു. സി.ഐ.ടി.യു നിയന്ത്രണത്തിലുള്ള കെ.എസ്.ആർ.ടി.സി.വർക്കേഴ്സ് ഫെഡറേഷനാണ് ഈ മാസം 5 ന് സമരം നടത്താൻ നോട്ടീസ് നൽകിയിരിക്കുന്നത്. മുൻകൂട്ടി നോട്ടീസ് നൽകാതെ വേതനം വെട്ടിക്കുറക്കുന്ന നടപടി അവസാനിപ്പിക്കുക, അവധി ആനുകൂല്യങ്ങൾ പുന:സ്ഥാപിക്കുക എന്നീ ആവശ്യങ്ങൾ ഉന്നയിച്ചാണ് പണിമുടക്ക് നടത്തുന്നത്.