ബെംഗളൂരു : ദിവസവും നാല് ലക്ഷത്തോളം ആളുകള് സഞ്ചരിക്കുന്ന കെ ആര് മാര്ക്കെറ്റിന്റെ മുകളിലൂടെ പോകുന്ന സിര്സി ഫ്ലൈഓവര് 26 മുതല് നാലുമാസത്തോളം അടച്ചിടുന്നു.സെന്ട്രല് ബിസിനെസ് ഡിസ്ട്രിക്ടിനെയും ദക്ഷിണപശ്ചിമ ബെംഗളൂരുവിനേയും ബന്ധിപ്പിക്കുന്ന ഈ പാലത്തിനു 2.6 കിലോ മീറ്റര് ദൂരമുണ്ട്.നഗരത്തിലെ ഏറ്റവും തിരക്കേറിയ മേല്പ്പാലങ്ങളില് ഒന്നാണ് ഇത്.
1999ല് 97 കോടി രൂപ ചെലവില് നിര്മിച്ച ഈ പാലം 2014 ല് ആണ് ആദ്യമായി അറ്റകുറ്റപ്പണിക്ക് വിധേയമാക്കിയത്.4.3 കോടി രൂപ ചെലവില് ആണ് ഇപ്പോള് അറ്റകുറ്റപ്പണികള് നടത്തുന്നത്.ടൌണ് ഹാള് മുതല് ബ്രിയ്ന്ട് സ്കൊയര് വരെയുള്ള ദിശയില് ആദ്യഘട്ടത്തില് ഗതാഗതനിയന്ത്രണമില്ല.എന്നാല് മൈസൂരു റോഡ് സൈഡില് നിന്നും ഗതാഗതം പൂര്ണമായും ആദ്യഘട്ടത്തില് നിരോധിക്കുമെന്ന് ചീഫ് എഞ്ചിനീയര് കെ ടി നാഗരാജ് അറിയിച്ചു.
