ബെംഗളൂരു: വസ്ത്രത്തിൽ കണ്ട മാൾ ടാഗ് വഴി വഴിത്തിരിവുണ്ടായ കേസിൽ ഭാര്യയെ കൊലപ്പെടുത്തി മൃതദേഹം ആളൊഴിഞ്ഞ പറമ്പിൽ തള്ളിയ ഭർത്താവിനെ സമ്പംഗിഹള്ളി പൊലീസ് അറസ്റ്റ് ചെയ്തു. ഒഡീഷ സ്വദേശിയായ സാഗർ ചന്ദ്ര റാവത്താ (32) ണ് ഭാര്യ അനസൂയ (28) യെ കൊലപ്പെടുത്തിയ കേസിൽ പിടിയിലായത്.
സെപ്റ്റംബർ രണ്ടിന് സമ്പംഗിഹള്ളിക്ക് സമീപമുള്ള എം.എസ് നഗറിലെ ആളൊഴിഞ്ഞ സ്ഥലത്ത് صف ശുചീകരണത്തിനെത്തിയ തൊഴിലാളികളാണ് ജീർണിച്ച നിലയിൽ മൃതദേഹം കണ്ടെത്തിയത്. തുടർന്ന് പൊലീസ് കൊലപാതകത്തിന് കേസെടുത്ത് അന്വേഷണം ആരംഭിക്കുകയായിരുന്നു. മൃതദേഹത്തിലെ വസ്ത്രത്തിൽ ഉണ്ടായിരുന്ന മാൾ ടാഗ് കേന്ദ്രീകരിച്ച് നടത്തിയ അന്വേഷണമാണ് വഴിത്തിരിവായത്. ടാഗിലെ ബില്ലിംഗ് വിവരങ്ങൾ ശേഖരിച്ച് നടത്തിയ പരിശോധനയിലാണ് കൊല്ലപ്പെട്ടത് അനസൂയയാണെന്ന് തിരിച്ചറിഞ്ഞതും വിലാസം ലഭ്യമായതും.
തുടർന്ന് പൊലീസ് എം.എസ് നഗറിലെ ഇവരുടെ വീട്ടിലെത്തിയെങ്കിലും വീട് പൂട്ടിയ നിലയിലായിരുന്നു. യെലഹങ്കയിലെ ചെറിയൊരു ഹോട്ടലിൽ ജോലി ചെയ്യുന്ന സാഗറും അനസൂയയും ഇവിടെയാണ് താമസിച്ചിരുന്നതെന്ന് അയൽവാസികൾ സ്ഥിരീകരിച്ചു. അഞ്ച് വർഷം മുൻപ് ബംഗളൂരുവിൽ എത്തിയ സാഗർ രണ്ട് വർഷം മുൻപാണ് അനസൂയയെ വിവാഹം കഴിച്ചത്. ഓഗസ്റ്റ് 11-ന് സാഗർ ഹോട്ടൽ ഉടമയിൽ നിന്ന് വാങ്ങിയ 11,000 രൂപ അഡ്വാൻസ് പണം ചെലവഴിച്ചതിനെ ചൊല്ലി ദമ്പതികൾ തമ്മിൽ തർക്കമുണ്ടായി. ഇതിനിടെ പ്രകോപിതനായ സാഗർ അനസൂയയെ മർദ്ദിക്കുകയും ശ്വാസം മുട്ടിച്ച് കൊലപ്പെടുത്തുകയുമായിരുന്നു.
കൊലപാതകത്തിന് ശേഷം മൂന്ന് ദിവസത്തോളം മൃതദേഹം വീടിനുള്ളിൽ തന്നെ സൂക്ഷിച്ചു. പിന്നീട് പിടിക്കപ്പെടുമെന്ന ഭയത്താൽ അർദ്ധരാത്രിയോടെ മൃതദേഹം ബെഡ്ഷീറ്റിൽ പൊതിഞ്ഞ് വീടിന് സമീപത്തെ ആളൊഴിഞ്ഞ പറമ്പിൽ ഉപേക്ഷിക്കുകയായിരുന്നു. തുടർന്ന് വീട്ടിൽ നിന്ന് സാധനങ്ങളുമെടുത്ത് പheter പcut പൂട്ടി ഇറങ്ങിയ ഇയാൾ ജോലി ചെയ്തിരുന്ന ഹോട്ടൽ വളപ്പിലാണ് താമസിച്ച് പോന്നത്. രഹസ്യവിവരത്തിന്റെ അടിസ്ഥാനത്തിലാണ് പൊലീസ് ഇയാളെ പിടികൂടിയത്. മൃതദേഹം പൂർണ്ണമായും ജീർണിച്ച നിലയിലായിരുന്നതിനാൽ പോസ്റ്റ്‌മോർട്ടത്തിന് ശേഷം പൊലീസും നാട്ടുകാരും ചേർന്ന് സംസ്കാര ചടങ്ങുകൾ നടത്തി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
