Day: 2 September 2026

ബെംഗളൂരു: കെമ്പെഗൗഡ അന്താരാഷ്ട്ര വിമാനത്താവളത്തിൽ (KIA) നിന്ന് പുറപ്പെടുന്ന ആഭ്യന്തര വിമാനങ്ങളുടെ കൃത്യസമയ പാലനത്തിൽ (OTP) റെക്കോർഡ് വർധനവ്. ഈ വർഷം ആദ്യമായി പുറപ്പെടൽ കൃത്യത 90 ശതമാനത്തിന് മുകളിലെത്തി. ജൂലൈ മാസത്തിലെ റിപ്പോർട്ട് പ്രകാരം 93 ശതമാനമാണ് വിമാനത്താവളത്തിന്റെ കൃത്യതാനിരക്ക്. മേയ് മാസത്തിലിത് 89 ശതമാനമായിരുന്നു. താരമായി എയർ ഇന്ത്യ, ഏറെ പിന്നിലായി സ്പൈസ് ജെറ്റ് കഴിഞ്ഞ മൂന്ന് മാസത്തെ കണക്കുകൾ പരിശോധിക്കുമ്പോൾ ആഭ്യന്തര വിമാനക്കമ്പനികളിൽ എയർ ഇന്ത്യയാണ് ഏറ്റവും മികച്ച പ്രകടനം കാഴ്ചവെച്ചത്. ജൂണിൽ 97 ശതമാനവും ജൂലൈയിൽ 96 ശതമാനവുമായിരുന്നു…

ബെംഗളൂരു: ഭർത്താവിന്റെ മരണശേഷം ധനനിശ്ചയ പ്രകാരം (ഗെഫ്റ്റ് ഡീഡ്) കുടുംബസ്വത്ത് കൈവശം വെച്ച് അനുഭവിച്ചുപോരുന്ന മരുമകൾ അമ്മായിയമ്മയെ സംരക്ഷിക്കാൻ നിയമപരമായി ബാധ്യസ്ഥയല്ലെന്ന് കർണാടക ഹൈക്കോടതി വിധിച്ചു. ആധാരത്തിൽ ഇത്തരം ഉത്തരവാദിത്തങ്ങളെക്കുറിച്ച് വ്യക്തമായി പ്രതിപാദിച്ചിട്ടില്ലെങ്കിൽ മരുമകൾക്ക് മേൽ പരിപാലന ചുമതല അടിച്ചേൽപ്പിക്കാനാകില്ലെന്നാണ് കോടതി വ്യക്തമാക്കിയത്. സ്വത്ത് നൽകുന്ന ആധാരത്തിൽ അമ്മായിയമ്മയെ സംരക്ഷിക്കണമെന്ന നിബന്ധന വ്യക്തമാക്കിയിട്ടുണ്ടെങ്കിൽ മാത്രമേ മകന്റെ മരണശേഷവും മരുമകൾക്ക് ആ ബാധ്യത ഉണ്ടാകൂ. കുടുംബസാഹചര്യങ്ങൾ മാറിയെന്ന കാരണത്താൽ ട്രൈബ്യൂണലുകൾക്ക് പിന്നീട് ഇത്തരം വ്യവസ്ഥകൾ സ്വയം ഉണ്ടാക്കിയെടുക്കാൻ കഴിയില്ലെന്ന് ചൂണ്ടിക്കാട്ടിയാണ് ജസ്റ്റിസ് സൂരജ് ഗോവിന്ദരാജിന്റെ ഉത്തരവ്.…

ബെംഗളൂരു: നഗരത്തിലെ തിരക്കേറിയ ഹൈസ്പീഡ് ഫ്ലൈഓവറുകളിൽ ഇരുചക്രവാഹനങ്ങൾക്ക് വിലക്കേർപ്പെടുത്താനുള്ള ഗതാഗത പൊലീസിന്റെ നീക്കത്തിനെതിരെ ബൈക്ക് പ്രേമികളും നിത്യയാത്രക്കാരും ശക്തമായ പ്രതിഷേധവുമായി രംഗത്ത്. സെപ്റ്റംബർ 4 മുതൽ നിയന്ത്രണം നടപ്പിലാക്കാനാണ് അധികൃതരുടെ തീരുമാനം. എയർപോർട്ട് റോഡ് ഫ്ലൈഓവർ, ഇലക്ട്രോണിക്സ് സിറ്റി എലവേറ്റഡ് കോറിഡോർ തുടങ്ങി പ്രധാനപ്പെട്ട മേൽപ്പാലങ്ങളിലാണ് പ്രധാനമായും നിയന്ത്രണം വരുന്നത്. പുതിയ തീരുമാനം യാത്രാസമയം വർധിപ്പിക്കുമെന്നും ഉപരിതല റോഡുകളിൽ രൂക്ഷമായ ഗതാഗതക്കുരുക്കിന് വഴിവെക്കുമെന്നും യാത്രക്കാർ ചൂണ്ടിക്കാണിക്കുന്നു. അതേസമയം, ഉയർന്ന വേഗതയിൽ വാഹനങ്ങൾ സഞ്ചരിക്കുന്ന പാതകളിൽ അപകടങ്ങൾ കുറയ്ക്കാനും ഗതാഗതം സുഗമമാക്കാനുമാണ് ഇത്തരമൊരു നടപടിയെന്നാണ് ട്രാഫിക്…

ബെംഗളൂരു: പൊതുജനങ്ങൾ പരാതികൾ രജിസ്റ്റർ ചെയ്യുന്നതിനും വിവിധ സർക്കാർ പദ്ധതികളുടെ ആനുകൂല്യങ്ങൾ നേടുന്നതിനുമായി സർക്കാർ ഓഫീസുകൾ കയറിയിറങ്ങുന്നത് ഒഴിവാക്കാൻ ലക്ഷ്യമിട്ട് കർണാടക സർക്കാർ ‘പ്രജാസേവാ അഭിയാൻ’ എന്ന നൂതന പദ്ധതി നടപ്പിലാക്കുന്നു. പബ്ലിക് സർവീസ് വകുപ്പിന് കീഴിൽ നടപ്പിലാക്കുന്ന ഈ പ്രചാരണ പരിപാടി സെപ്റ്റംബർ 5 മുതൽ വിജയനഗര ജില്ലയിലെ കുഡ്‌ലിഗിയിൽ നിന്നാണ് ആരംഭിക്കുന്നത്. ഭരണനിർവ്വഹണം ജനങ്ങളുടെ വീട്ടുപടിക്കൽ എത്തിക്കുക എന്ന ഉദ്ദേശ്യത്തോടെ എല്ലാ ശനിയാഴ്ചകളിലും താലൂക്ക്, ഹോബ്ലി തലങ്ങളിൽ പ്രത്യേക യോഗങ്ങൾ സംഘടിപ്പിക്കും. മുൻകാലങ്ങളിൽ പദ്ധതി ആനുകൂല്യങ്ങൾ ലഭിക്കാത്തപ്പോഴും സേവനങ്ങൾ തടസ്സപ്പെടുമ്പോഴും ജനങ്ങൾ…