ബെംഗളൂരു: പ്രായപൂര്ത്തിയാകാത്ത വിദ്യാര്ഥികളെ ജാതി പറഞ്ഞ് അധിക്ഷേപിക്കുകയും മര്ദിക്കുകയും ചെയ്ത കേസില് അച്ഛനെയും മകനെയും പൊലീസ് അറസ്റ്റ് ചെയ്തു. ബാബു ഗുഡ്ഡെ സ്വദേശികളായ സ്റ്റീ വന് മോണ്ടീറോ (56), മകന് ആവിന് (21) എന്നിവരാണു പാണ്ഡേശ്വര് പൊലീസിന്റെ പിടിയിലായത്.
തിങ്കളാഴ്ചയായിരുന്നു കേസിനാസ്പദമായ സംഭവം. മുളിഹി സ്വദേശിയായ സ്കൂള് വിദ്യാര്ഥിയും സഹപാഠിയായ വിദ്യാര്ഥിനിയും ബാബുഗുഡ്ഡെ പ്രദേശത്തെ റെയില്വേ ട്രാക്കിനു സമീപം സംസാരിക്കുമ്പോള് പ്രതികള് അവിടെയെത്തി വിദ്യാര്ഥികളോടു ജാതി ചോദിച്ച് അധിക്ഷേപിക്കുകയും ആണ്കുട്ടിയെ മര്ദിക്കുകയും ചെയ്തു.
ദൃശ്യങ്ങള് പ്രതികള് തന്നെ ഫോണില് പകര്ത്തി സമൂഹമാധ്യമങ്ങളില് പ്രചരിപ്പിച്ചു.
തുടര്ന്ന് ആണ്കുട്ടി പിതാവുമായെത്തി പൊലീസില് പരാതി നല്കുകയായിരുന്നു.
