ബെംഗളുരു: രാത്രി ബെംഗളുരുവും ഉള്നാടന് ജില്ലകളും തണുത്തു വിറയ്ക്കുന്നു, ശീതതരംഗത്തിന്റെ പിടിയില് സംസ്ഥാനം. ചിക്കബെല്ലാപുര 8.8 ഡിഗ്രി സെല്ഷ്യസ്, കോലാര് 8.9 എന്നിങ്ങനെയാണു കുറഞ്ഞ താപനില.
ബെംഗളൂരു ഗ്രാമജില്ല, മണ്ഡ്യ, ഹാസന്, ചാമരാജ് നഗര്, തുമക്കുരു, ചിക്കമഗളൂരു എന്നിവിടങ്ങളില് 9-10.4 ഡിഗ്രി സെല്ഷ്യസ് വരെ താപനില കുറഞ്ഞു.
അടുത്ത 5 ദിവസത്തിനിടെ ഇനിയും 2 മുതല് 4 ഡിഗ്രി സെല്ഷ്യസ് വരെ കുറയാനിടയുണ്ടെന്നാണു കാലാവസ്ഥാ മുന്നറിയിപ്പ്. വടക്കന് കര്ണാടകയില് ബീദര്, ബെളഗാവി, കലബുറഗി, വിജയപുര, യാദ്ഗിര് എന്നിവിടങ്ങളില് 10.8-13.3 ഡിഗ്രി സെല്ഷ്യസ് വരെ തണുപ്പ് രേഖപ്പെടുത്തി.
അതേസമയം തീരദേശ ജില്ലകളായ ഉഡുപ്പിയില് 17.9, ദക്ഷിണ കന്നഡയില് 19.1 എന്നിങ്ങനെയാണു കുറഞ്ഞ താപനില. ബെംഗളൂരുവില് ഇന്നലെ കൂടിയ താപനില 29 ഡിഗ്രി സെല്ഷ്യസും കുറഞ്ഞ താപനില 14 ഡിഗ്രി സെല്ഷ്യസും രേഖപ്പെടുത്തി.
