ബെംഗളൂരു : ചിത്രദുർഗ ജില്ലയിലെ ഹിരിയൂർ താലൂക്കിലെ ഗോർലത്തു ക്രോസിന് സമീപം ദേശീയപാത 48 ൽ ഉണ്ടായ ഭയാനകമായ വാഹനാപകടത്തിൽ നിരവധിപേർ ജീവനോടെ വെന്തുമരിച്ചു.
ബെംഗളൂരുവിൽ നിന്ന് ഗോകർണയിലേക്ക് പോകുകയായിരുന്ന സീബേർഡ് സ്ലീപ്പർ കോച്ച് ബസിൽ എതിർദിശയിൽ നിന്ന് വന്ന ഒരു ലോറി ഇടിച്ചുകയറി ബസ് പൂർണ്ണമായും കത്തിനശിച്ചു.
തീപിടുത്തമുണ്ടായ ഉടൻ ബസിലെ ഡ്രൈവറും കണ്ടക്ടറും ഉടൻ തന്നെ പുറത്തേക്ക് ചാടി രക്ഷപ്പെട്ടു. ലോറി ഡ്രൈവർ സംഭവസ്ഥലത്ത് തന്നെ മരിച്ചു.
ബസിൽ 14 സ്ത്രീകളും 15 പുരുഷന്മാരും ഉണ്ടായിരുന്നു. പരിക്കേറ്റ 21 പേരെ ഹിരിയൂരിലും തുംകൂറിലുമുള്ള ആശുപത്രികളിൽ പ്രവേശിപ്പിച്ചിട്ടുണ്ട്. മുതിർന്ന ഉദ്യോഗസ്ഥർ സംഭവസ്ഥലം സന്ദർശിച്ച് സംഭവം അന്വേഷിക്കുന്നുണ്ട്.
