Day: 7 November 2025

ബെംഗളൂരു : കർണാടക കോൺഗ്രസിലെ അധികാര ത്തർക്കത്തെ പരിഹസിച്ച് എഐ വീഡിയോയുമായി ബിജെപി. മുഖ്യമന്ത്രിക്കസേരയ്ക്കുവേണ്ടി മുതിർന്ന കോൺഗ്രസ് നേതാക്കൾക്കിടയിലുള്ള പോരിനെ കളിയാക്കുന്ന കസേരക്കളി വീഡിയോയാണ് പ്രചരിപ്പിക്കുന്നത്. മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി.കെ. ശിവകുമാർ, ആഭ്യന്തരമന്ത്രി ജി. പരമേശ്വര, പൊതുമരാമത്ത് മന്ത്രി സതീഷ് ജാർക്കിഹോളി എന്നിവർ കസേരക്കളി നടത്തുന്നതാണ് വീഡിയോ. മുഖ്യമന്ത്രിക്കസേരയ്ക്ക് ചുറ്റും നാലുപേരും ഒാടുന്ന വീഡിയോ നവംബർ വിപ്ലവം എന്ന അടിക്കുറിപ്പോടെയാണ് പ്രചരിപ്പിക്കുന്നത്. കോൺഗ്രസ് സർക്കാർ രണ്ടരവർഷം പൂർത്തിയാക്കുന്ന ഈ മാസം സിദ്ധരാമയ്യ സ്ഥാനമൊഴിഞ്ഞ് ഡി.കെ. ശിവകുമാറിനെ മുഖ്യമന്ത്രിയാക്കണമെന്നാണ് അദ്ദേഹത്തെ പിന്തുണയ്ക്കുന്നവരുടെ ആവശ്യം. ഇതേസമയം,…

ബെംഗളൂരു : നഗരത്തിലെ സംരംഭകർ സംഭാവന നൽകുന്നതിൽ പിശുക്ക് കാട്ടുന്നില്ലെന്ന് റിപ്പോർട്ട്. സർക്കാർ ഇതര സംഘടനകൾക്ക് പദ്ധതികൾക്ക് പണം കണ്ടെത്തുന്നതിന് സഹായിക്കുന്ന സ്ഥാപനമായ ഈഡൽഗിവ് ഫൗണ്ടേഷന്റെ നേതൃത്വത്തിൽ പുറത്തിറക്കിയ ഫിലാന്ത്രഫി പട്ടികപ്രകാരം ഈ വർഷം ബെംഗളൂരുവിലെ സംരംഭകർ സംഭാവനയായി നൽകിയത് 1,588 കോടി രൂപയാണ്. ഇക്കാര്യത്തിൽ രാജ്യത്തെ നഗരങ്ങളിൽ മൂന്നാം സ്ഥാനത്താണ് ഐടി നഗരം. ഒന്നാം സ്ഥാനം 2,649 കോടി രൂപ സംഭാവന ചെയ്ത മുംബൈയ്ക്കാണ്. രണ്ടാം സ്ഥാനത്ത് 2,266 കോടിയുമായി ഡൽഹിയാണ്. ബെംഗളൂരുവിലെ സംരംഭകരിൽ പട്ടികയിൽ ഒന്നാമത് ഇൻഫോസിസ് സഹസ്ഥാപകൻ നന്ദൻ നിലേകനിയാണ്.…

ബെംഗളൂരു : പ്രാഥമികവിദ്യാഭ്യാസരംഗത്ത് വിപ്ലവകരമായ പരിഷ്കാരമാകുമെന്ന് പ്രതീക്ഷിച്ച ‘കളിച്ചുകൊണ്ട് പഠനം’ പദ്ധതി (നലി കലി പദ്ധതി) ഉപേക്ഷിക്കുന്നു. ഒന്നുമുതൽ മൂന്നുവരെ ക്ലാസുകളിലെ വിദ്യാർഥികൾക്കുവേണ്ടിയായിരുന്നു പദ്ധതി നടപ്പാക്കിയത്. എന്നാൽ, വിദ്യാർഥികളുടെ പഠനനിലവാരം മോശമാകുന്നതായി കണ്ടെത്തിയതിനെ തുടർന്നാണ് ഇത് ഉപേക്ഷിക്കാൻ വിദ്യാഭ്യാസവകുപ്പ് തീരുമാനിച്ചത്. ഒന്നുമുതൽ മൂന്നുവരെ ക്ലാസുകളിലെ കുട്ടികളെ ഒരുമിച്ചിരുത്തി കളികളും പരിശീലനപരിപാടികളുമായി പഠനം നടത്തുന്ന രീതിയായിരുന്നു നലി കലി പദ്ധതിയിൽ പിന്തുടർന്നിരുന്നത്. ഓരോ ക്ലാസിനും ഓരോ ക്ലാസ് മുറി എന്നതിനുപകരം മൂന്നുക്ലാസുകൾക്കുമായി ഒരു ക്ലാസ് മുറി നടപ്പാക്കുകയും ചെയ്തു. 2009-ലാണ് പദ്ധതി ആരംഭിച്ചത്. എന്നാൽ, വിദ്യാർഥികൾ…