ബെംഗളൂരു: ശിവാജിനഗറിലെ സെന്റ് മേരീസ് ബസിലിക്കയിൽ വാർഷിക ആഘോഷത്തോട് അനുബന്ധിച്ചു ക്രമസമാധാനം ഉറപ്പാക്കുന്നതിനായി ശിവാജിനഗർ, കൊമേഴ്സ്യൽ സ്ട്രീറ്റ്, ഭാരതിനഗർ പോലീസ് സ്റ്റേഷൻ പരിധികളിൽ മദ്യവിൽപ്പനയ്ക്ക് താൽക്കാലിക നിരോധനം പ്രഖ്യാപിച്ചു.
പോലീസ് കമ്മീഷണർ സീമന്ത് കുമാർ സിംഗ് പുറപ്പെടുവിച്ച നിരോധന ഉത്തരവ് തിങ്കളാഴ്ച 08-09-2025 രാവിലെ 6 മുതൽ അർദ്ധരാത്രി വരെ പ്രാബല്യത്തിൽ ഉണ്ടാകും.
രണ്ട് ലക്ഷം ഭക്തർ വരെ എത്തിച്ചേരുമെന്ന് പ്രതീക്ഷിക്കുന്ന രഥഘോഷയാത്രയ്ക്കും വിവിധ പരിപാടികൾക്കും മുന്നോടിയായാണ് തീരുമാനം.
സെന്റ് മേരീസ് ബസിലിക്കയിൽ നിന്ന് ആരംഭിച്ച് എംകെ സ്ട്രീറ്റ്, ശിവാജി റോഡ്, ബ്രോഡ്വേ റോഡ് എന്നിവയിലൂടെ സഞ്ചരിച്ച് പള്ളിയിൽ തിരിച്ചെത്തും.
മദ്യപിച്ചേക്കാവുന്ന അക്രമികൾ ക്രമസമാധാന പ്രശ്നങ്ങൾ സൃഷ്ടിക്കുന്നത് തടയുന്നതിനുള്ള മുൻകരുതൽ നടപടിയായാണ് നിരോധനം ഏർപ്പെടുത്തിയിരിക്കുന്നതെന്ന് ഔദ്യോഗിക ഉത്തരവ് പറയുന്നു.
ബാറുകളിലും റെസ്റ്റോറന്റുകളിലും, വൈൻ ഷോപ്പുകളിലും, പബ്ബുകളിലും, എംഎസ്ഐഎൽ ഔട്ട്ലെറ്റുകളിലും എല്ലാത്തരം മദ്യവും വിൽക്കുന്നത് ഉത്തരവ് പ്രകാരം നിരോധിച്ചിരിക്കുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
