ബെംഗളൂരു: അടുത്ത അധ്യയന വർഷം മുതൽ റോഡ് സുരക്ഷയും ഗതാഗത നിയമങ്ങളും പാഠപുസ്തകങ്ങളിൽ ഉൾപ്പെടുത്തുമെന്ന് കർണാടക ടെക്സ്റ്റ് ബുക്ക് സൊസൈറ്റി. കർണാടക ട്രാഫിക് പൊലീസിനാണ് ഇതുസംബന്ധിച്ച ഉറപ്പ് നൽകിയത്.
ബെംഗളൂരു ട്രാഫിക് പോലീസിന്റെ അഭ്യർഥനയ്ക്ക് മറുപടിയായി 2025-26 അധ്യയന വർഷത്തേക്കുള്ള പാഠപുസ്തകങ്ങൾ ഇതിനകം അച്ചടിച്ച് പ്രസിദ്ധീകരിച്ചിട്ടുണ്ടെന്നും പാഠപുസ്തകങ്ങൾ പുനഃപരിശോധിക്കുമ്പോൾ ട്രാഫിക് പോലീസ് തയാറാക്കിയ ഉള്ളടക്കം ഉൾപ്പെടുത്തുമെന്നും കെ.ടി.ബി.എസ് അറിയിച്ചു
“രണ്ട് മുതൽ ഒമ്പത് വരെയുള്ള ക്ലാസുകളിലെ പാഠപുസ്തകങ്ങളിൽ റോഡ് സുരക്ഷയെക്കുറിച്ചുള്ള വിഷയങ്ങൾ ഞങ്ങൾ ഇതിനകം ഉൾപ്പെടുത്തിയിട്ടുണ്ട്. ട്രാഫിക് പോലീസ് വകുപ്പ് തയ്യാറാക്കിയ പ്രത്യേക ഉള്ളടക്കം ഭാവിയിൽ ചേർക്കുമെന്നും കെ.ടി.ബി.എസ് അറിയിച്ചു.
