ബെംഗളൂരു: ബെംഗളൂരു ദുരന്തത്തിൻ്റെ പശ്ചാത്തലത്തിൽ കർണാടക ഉപമുഖ്യമന്ത്രി ഡി. കെ ശിവകുമാർ രാജിവെക്കണമെന്ന് കേന്ദ്രമന്ത്രി ശോഭ കാരന്തലെജെ. സ്വകാര്യ കമ്പനിയുടെ ഇത്തരമൊരു പരിപാടിക്ക് എന്തിനാണ് അനുമതി നൽകിയതെന്ന് അവർ ചോദിച്ചു. ഇതൊരു സർക്കാർ പരിപാടിയണോ. ഒരു തരത്തിലുമുള്ള പ്ലാനിങ് ഇല്ലാതെയാണ് പരിപാടി നടന്നത്.
ചിന്നസ്വാമി സ്റ്റേഡിയത്തിലെ രണ്ടോ മൂന്നോ ഗേറ്റുകൾ മാത്രമാണ് തുറന്നത്. ഇവിടെയാണ് തിക്കിലും തിരക്കിലും പെട്ട് ആളുകൾ മരിച്ചത്. ദുരന്തത്തിൻ്റെ ഉത്തരവാദിത്തം ആര് ഏറ്റെടുക്കും. സർക്കാറിൻ്റെ പരിപാടി അല്ലാ തിരുന്നിട്ടും സർക്കാറിൻ്റെ ആഘോഷം പോലെയാണ് അത് സംഘടിപ്പിച്ചതെന്നും അവർ കുറ്റപ്പെടുത്തി.
ദുരന്തം സംബന്ധിച്ച് അന്വേഷണം നടത്താൻ ഹൈക്കോടതി ജഡ്ജിയുടെ അധ്യക്ഷതയിൽ പ്രത്യേക സംഘം രൂപീകരിക്കണം. വിജയാഘോഷത്തിൽ പങ്കെടുത്ത ശിവകുമാർ രാജിവെക്കണമെന്നും മന്ത്രി ആവശ്യപ്പെട്ടു.
