Day: 1 December 2024

ബെംഗളൂരു : കർണാടക ബി.ജെ.പി.യിലെ വിമതനേതാവായ ബസനഗൗഡ പാട്ടീൽ യത്‌നലിനെ പാർട്ടിയിൽനിന്ന് പുറത്താക്കണമെന്നാവശ്യപ്പെട്ട് മൈസൂരുവിൽ പ്രവർത്തകരുടെ പ്രതിഷേധം. മുൻമന്ത്രിമാരായ ബി.സി. പാട്ടീൽ, എം.പി. രേണുകാചാര്യ എന്നിവർ പത്രസമ്മേളനം നടത്തുന്നതനിടെ ഹാളിലേക്കുകയറിവന്ന പ്രവർത്തകർ മുദ്രാവാക്യംമുഴക്കുകയായിരുന്നു. തങ്ങൾ പാർട്ടിയുടെ താഴേത്തട്ടിലുള്ള പ്രവർത്തകരാണെന്നും ബി.ജെ.പി. ഇത്ര ദുർബലമാകുന്നതെന്തെന്ന ജനങ്ങളുടെ ചോദ്യങ്ങളെ നേരിടാനാകുന്നില്ലെന്നും അവർ പറഞ്ഞു. യത്‌നലിനെതിരേ നടപടിയെടുക്കാൻ പാർട്ടിക്ക് കഴിയാത്തതെന്തുകൊണ്ടാണെന്നും ചോദിച്ചു. ദേശീയനേതാക്കളെക്കണ്ട് യത്‌നലിനെയും അദ്ദേഹത്തിനൊപ്പമുള്ള നേതാക്കളെയും പാർട്ടിയിൽനിന്ന് പുറത്താക്കാൻ ആവശ്യപ്പെടുമെന്ന് രേണുകാചാര്യയും ബി.സി. പാട്ടീലും പിന്നീട് അറിയിച്ചു. യത്‌നലാണ് ഉപതിരഞ്ഞെടുപ്പിൽ പാർട്ടിയുടെ തോൽവിക്കുകാരണമായതെന്ന് ആരോപിച്ചു. ജനങ്ങളുടെ മനസ്സിൽ…

ബംഗളുരു : ചെറുപയർ കഴിച്ച് അസുഖം ബാധിച്ച 46 വിദ്യാർത്ഥികൾ ആശുപത്രിയിൽ. സംഭവം ജില്ലയിലെ പാവഗഡ താലൂക്കിലെ കോണനകുരികെ ഗ്രാമത്തിലെ സർക്കാർ സീനിയർ പ്രൈമറി സ്കൂളിലാണ് നടന്നത്. ഉച്ചയ്ക്ക് ലഘുഭക്ഷണത്തിനിടെ നൽകിയ ഭക്ഷണം കഴിച്ചാണ് കുട്ടികൾക്ക് ദേഹാസ്വാസ്ഥ്യം അനുഭവപ്പെട്ടത്. കൊടലെ രോഗബാധിതരായ കുട്ടികൾ പാവഗഡ സർക്കാർ ആശുപത്രിയിൽ ചികിത്സയിലാണ്. ജീവന് അപകടമില്ല. തഹസിൽദാർ വരദരാജു, ബിഇഒ എന്നിവർ സ്ഥലത്തെത്തി പരിശോധന നടത്തി.

ബെംഗളൂരു: ബെംഗളൂരു മെട്രോപൊളിറ്റൻ ട്രാൻസ്‌പോർട്ട് കോർപ്പറേഷൻ്റെ ( ബിഎംടിസി ) 320 പുതിയ ബസുകൾ ( ബസ് ) പുതുവർഷത്തിനായി ജനുവരിയിൽ നഗരത്തിൽ സർവീസ് നടത്തും. 320 എസി ഇലക്ട്രിക് ബസുകൾക്കാണ് ടെൻഡർ ക്ഷണിച്ചത്. അശോക് ലെയ്‌ലാൻഡ് കമ്പനിയുടെ പങ്കാളിയായ ഒഎം കമ്പനിയാണ് ഈ ടെൻഡർ നേടിയത്. ഇതിനോടകം വർക്ക് ഓർഡർ നൽകിയിട്ടുണ്ട്. 320 ബസുകൾ 12 വർഷത്തേക്ക് പാട്ടത്തിനെടുക്കും. ഈ ബസുകൾക്ക് കിലോമീറ്ററിന് 65 മുതൽ 80 രൂപ നിരക്കിൽ സർവീസ് നടത്തുമെന്നു ബിഎംടിസി ചീഫ് ട്രാഫിക് മാനേജർ പ്രഭാകർ റെഡ്ഡി പറഞ്ഞു.…

ബെംഗളൂരു: ഫെംഗൽ ചുഴലിക്കാറ്റിനെ തുടർന്നുണ്ടായ ശക്തമായ കാറ്റും കനത്ത മഴയും കാരണം ചെന്നൈ വിമാനത്താവളത്തിലേക്ക് ലാൻഡ് ചെയ്യേണ്ടിയിരുന്ന വിമാനങ്ങൾ ബെംഗളൂരുവിലേക്ക് വഴിതിരിച്ചുവിട്ടു. ചുഴലിക്കാറ്റ് കാരണം 16 മണിക്കൂറോളം ചെന്നൈ വിമാനത്താവളം പ്രവർത്തനരഹിതമായിരുന്നു. അഞ്ച് അന്താരാഷ്ട്ര വിമാനങ്ങൾ ഉൾപ്പെടെ 16 വിമാനങ്ങളാണ് കെംപെഗൗഡ അന്താരാഷ്ട്ര വിമാനത്താവളത്തിലേക്ക് (കെഐഎ) തിരിച്ചുവിട്ടത്. നാല് ഇൻഡിഗോ, എയർ ഇന്ത്യ വിമാനങ്ങൾ, ആകാശ എയർ, സ്പൈസ് ജെറ്റ്, സ്റ്റാർ എയർ എന്നിവയുടെ വിമാനങ്ങളും തിരിച്ചുവിട്ടവയിൽ ഉൾപ്പെടുന്നു. അബുദാബിയിൽ നിന്ന് ചെന്നൈയിലേക്കുള്ള രണ്ട് വിമാനങ്ങൾ (ഇൻഡിഗോ, ഇത്തിഹാദ്), ദുബായിൽ നിന്ന് ചെന്നൈയിലേക്കുള്ള എമിറേറ്റ്സ്…

ബംഗളുരു : ക്രിസ്മസ് – പുതുവർഷ ആഘോഷങ്ങളെ വരവേറ്റ നഗരത്തിൽ ശൈത്യകാല ഷോപ്പിംഗ് ഫെസ്റ്റിവലുകൾ സജീവമായി. ഇ കോമേഴ്‌സ് സ്ഥാപനങ്ങളുടെ ഓഫർ മേളകൾക്ക് ബദലായി പുലർച്ചെ വരെ നീളുന്ന ആഘോഷപരിപാടികളാണ് ഷോപ്പിംഗ് മാളുകളിൽ ഒരുക്കിയിട്ടുള്ളത്. പാതി വിലയിൽ വസ്ത്രങ്ങളും ഇലക്ട്രോണിക് ഉപകരണങ്ങളും വാങ്ങാൻ അവസരമൊരുക്കുന്നതിന് പുറമെ വിവിധ നാടുകളിൽ നിന്നുള്ള രുചി വൈവിദ്ധ്യം അറിയുന്നതിന് ഭക്ഷ്യമേളകളും ഡി ജെ പാർട്ടികളും ക്രമീരിച്ചിട്ടുണ്ട്. പുതുവർഷ ഉല്ലാസ പാർട്ടികൾക്കായി ഹോട്ടലുകളും പബ്ബ്കളും ബുക്കിങ് ആരംഭിച്ചിട്ടുണ്ട്. താമസ സൗകര്യവും പരിധിയില്ലാതെ മദ്യവും ഭക്ഷണവും ഉൾപ്പെടെയാണ് പാക്കേജ് ഉൾപ്പെടുത്തിചിരിക്കുന്നത്.