Day: 13 May 2024

ബെംഗളൂരു: അമിത വേഗത്തിൽ എത്തിയ കാർ ഇടിച്ച് റോഡിൽ കളിക്കുകയായിരുന്ന അഞ്ചുവയസ്സുള്ള കുട്ടിക്ക് ദാരുണാന്ത്യം. അപകടത്തിൽ മറ്റൊരു കുട്ടിക്ക് പരുക്കേൽക്കുകയും ചെയ്തു. മുരുഗേശപാളയ കളപ്പ ലേഔട്ടിൽ താമസിക്കുന്ന താമറെ കണ്ണൻ്റെ മകൻ ആരവ് (5) ആണ് മരിച്ചത്. സംഭവത്തിൽ മറ്റൊരു കുട്ടി ധനരാജ് (5) പരിക്കേറ്റ് ആശുപത്രിയിൽ ചികിത്സയിലാണ്. അപകടവുമായി ബന്ധപ്പെട്ട് കാർ ഡ്രൈവർ ദേവരാജിനെ (18) അറസ്റ്റ് ചെയ്തതായി അധികൃതർ അറിയിച്ചു. ഞായറാഴ്ച രാവിലെ ഡ്രൈവർ ദേവരാജിൻ്റെ പിതാവ് കുടുംബത്തോടൊപ്പം ക്ഷേത്രത്തിലേക്ക് പോകാനായി സുഹൃത്തിൻ്റെ കാർ കൊണ്ടുവന്നിരുന്നു. വീട്ടിലുള്ളവരെല്ലാം പോകാനുള്ള ഒരുക്കത്തിലായിരുന്നു. ഈ…

ബെംഗളൂരു: പ്രജ്വൽ രേവണ്ണയുടെ ലൈംഗികാരോപണവുമായി ബന്ധപ്പെട്ട തട്ടിക്കൊണ്ടുപോകൽ കേസിൽ അറസ്റ്റിലായ ജനതാദൾ (സെക്കുലർ) എംഎൽഎ എച്ച്‌ഡി രേവണ്ണയ്ക്ക് പ്രത്യേക കോടതി ഉപാധികളോടെ ജാമ്യം അനുവദിച്ചു. അഞ്ച് ലക്ഷം രൂപയും അതേ തുകയ്ക്കുള്ള രണ്ട് ആൾ ജാമ്യത്തിലുമാണ് എച്ച്‌ഡി രേവണ്ണയ്ക്ക് പബ്ലിക് റപ്രസൻ്റേറ്റീവ് കോടതി ഉപാധികളോടെ ജാമ്യം അനുവദിച്ചത്. കേസിലെ തെളിവുകൾ നശിപ്പിക്കരുതെന്നും എസ്ഐടി അന്വേഷണത്തിൽ സഹകരിക്കണമെന്നും രേവണ്ണയോട് കോടതി നിർദേശിച്ചു. പീഡനം, തട്ടിക്കൊണ്ടുപോകൽ എന്നീ കുറ്റങ്ങൾ ചുമത്തിയാണ് എച്ച്‌ഡി രേവണ്ണയെ അറസ്റ്റ് ചെയ്തത്.

ബെംഗളൂരു: പ്രജ്വല്‍ രേവണ്ണക്കെതിരെയും പിതാവ് എച്ച്‌ ഡി രേവണ്ണക്കെതിരെയും ഉയർന്ന ലൈംഗികാതിക്രമക്കേസില്‍ അന്വേഷണം മുന്നോട്ട് കൊണ്ട് പോകാനാവാതെ പ്രത്യേക അന്വേഷണ സംഘം. ബ്ലൂ കോർണർ നോട്ടീസ് പുറപ്പെടുവിച്ചിട്ടും ഇതുവരെ ജർമനിയില്‍ നിന്ന് പ്രജ്വല്‍ തിരിച്ചെത്തിയില്ല. ഏപ്രില്‍ 27ന് രാജ്യം വിടുമ്പോള്‍ പ്രജ്വല്‍ മേയ് 15നുള്ള മടക്ക ടിക്കറ്റ് കൂടി ബുക്ക് ചെയ്തിരുന്നു. എന്നാല്‍ പ്രജ്വല്‍ ടിക്കറ്റ് റദ്ദാക്കിയതായാണ് ഇപ്പോള്‍ ലഭിക്കുന്ന വിവരം. പ്രജ്വലിന്റെ വരവ് പ്രതീക്ഷിച്ചു രാജ്യത്തെ മുഴുവൻ വിമാനത്താവളങ്ങളിലും ജാഗ്രതാ നിർദേശം നല്‍കുകയും കർണാടകയിലെ അന്താരാഷ്ട്ര വിമാനത്താവളങ്ങളില്‍ പോലീസ് സന്നാഹം നിലയുറപ്പിക്കുകയും ചെയ്തിരുന്നു.…

ബെംഗളൂരു: കന്നഡ നടൻ ചേതൻ ചന്ദ്രയ്ക്ക് നേരെ ആൾക്കൂട്ട ആക്രമണം. 20 പേരടങ്ങിയ സംഘമാണ് നടനെ ആക്രമിച്ചത്. ആക്രമണത്തില്‍ താരത്തിന്റെ മൂക്ക് തകർന്നിട്ടുണ്ട്. അമ്മയോടൊപ്പം ക്ഷേത്രത്തില്‍പ്പോയി മടങ്ങവെയാണ് സംഭവം. ആക്രമണത്തെക്കുറിച്ച്‌ വിശദമാക്കിക്കൊണ്ട് ഒരു വീഡിയോ താരം പുറത്തുവിട്ടിട്ടുണ്ട്. തനിക്ക് മോശമായ അനുഭവമാണ് ഉണ്ടായതെന്നും നീതി വേണമെന്നും അദ്ദേഹം ആവശ്യപ്പെടുന്നു. മുഖത്തും വസ്ത്രങ്ങളിലും ചോരപ്പാടോട് കൂടിയാണ് അദ്ദേഹം വീഡിയോ എടുത്തത്. മദ്യപാനിയെന്ന് തോന്നിക്കുന്ന ഒരാള്‍ ഞങ്ങളെ പിന്തുടരുകയും കാർ നശിപ്പിക്കാൻ ശ്രമിക്കുകയും ചെയ്തു. അയാളുടെ ലക്ഷ്യം മോഷണമാണെന്ന് എനിക്ക് തോന്നി. കാറിന് കേടുപാട് വരുത്തിയതിനെക്കുറിച്ച്‌ ഞാൻ…