ചെന്നൈ: തമിഴ് ഹാസ്യതാരം ശിവ നാരായണ മൂര്ത്തി അന്തരിച്ചു. 67 വയസായിരുന്നു. ബുധനാഴ്ച രാത്രി ഹൃദയാഘാതത്തെ തുടര്ന്നാണ് അന്ത്യം.
ശരീരഘടനയും മുഖഭാവവും കൊണ്ട് പോലീസ്, ഗ്രാമീണ കര്ഷകന് തുടങ്ങിയ വേഷങ്ങളില് തിളങ്ങിയ അദ്ദേഹം സംവിധായകനും നടനുമായ വിസുവിന്റെ ആദ്യ ചിത്രം പൂന്തോട്ടത്തിലൂടെയാണ് സിനിമയിലേക്ക് അരങ്ങേറ്റം കുറിച്ചത്.
തഞ്ചാവൂരിലെ പട്ടുകോട്ടൈയ്ക്ക് അടുത്തുള്ള പൊന്നാവരന്കോട്ട സ്വദേശിയാണ് ശിവ നാരായണ മൂര്ത്തി. പ്രമുഖ ഹാസ്യതാരങ്ങളായ വിവേകിനും വടിവേലുവിനുമൊപ്പം നിരവധി ഹാസ്യ രംഗങ്ങളില് ശിവ നാരായണ മൂര്ത്തി അഭിനയിച്ചിട്ടുണ്ട്.
സൂപ്പര്താരങ്ങളായ രജനീകാന്ത്, കമല്, അജിത് കുമാര്, വിജയ് എന്നിവരുടെ ചിത്രങ്ങളില് ഉള്പ്പടെ 200ല് അധികം സിനിമകളില് അദ്ദേഹം വേഷമിട്ടു. വിജയുടെ വേലായുധം, സൂര്യ നായകനായ ഉന്നൈ നിനൈത്ത്, വിക്രം നായകനായി എത്തിയ സാമി എന്നീ സിനിമകളില് അഭിനയിച്ചു. സിനിമാ മേഖലയിലെ നിരവധി പേര് അദ്ദേഹത്തിന്റെ മരണത്തില് അനുശോചനം രേഖപ്പെടുത്തി. ഇതുവരെ 250ലധികം സിനിമകളില് അഭിനയിച്ചിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
