ബെംഗളൂരു : അനധികൃതമായി തങ്ങിയ 25 ആഫ്രിക്കൻ സ്വദേശികളെ പൊലീസ് അറസ്റ്റ് ചെയ്തു. ലഹരി കടത്തുമായി ബന്ധപ്പെട്ടു ബെംഗളൂരുവിന്റെ കിഴക്കൻ മേഖലകളിൽ ഇന്നലെ പൊലീസ് നടത്തിയ പരിശോധനയിലാണ് ഇവർ പിടിയിലായത്. 120 അംഗ പൊലീസ് സംഘം നടത്തിയ റെയ്ഡിൽ പിടിയിലായവരിലേറെയും ഉഗാണ്ട, നൈജീരിയ എന്നിവിടങ്ങളിൽനിന്നുള്ളവരാണ്. ഇവരിലൊരാളിൽനിന്നു 150 ഗ്രാം കഞ്ചാവും പിടിച്ചെടുത്തു. ഇവരിലേറെയും ലഹരിമരുന്ന് ഇടപാടുകളിൽ ഏർപ്പെടുന്നുവെന്ന പരാതികളെ തുടർന്നായിരുന്നു പൊലീസ് റെയ്‍ഡ്. അനധികൃതമായി തങ്ങുന്ന വിദേശികൾക്കു വീടു വാടകയ്ക്കു കൊടുക്കുന്നവർക്കെതിരെയും നടപടിയെടുക്കുമെന്നു പൊലീസ് പറഞ്ഞു.
Read Moreഅനധികൃതമായി തങ്ങിയ 25 ആഫ്രിക്കൻ സ്വദേശികളെ പൊലീസ് അറസ്റ്റ് ചെയ്തു.
