ബെംഗളൂരു: നഗരത്തിലെ വിക്ടോറിയ, വാണി വിലാസ് ആശുപത്രികളിലെ പ്രീപെയ്ഡ് ഓട്ടോ കൗണ്ഡറുകള് അടച്ചുപൂട്ടിയതോടെ ദുരിതത്തിലായി രോഗികള്. സമീപത്തായി സ്ഥിതി ചെയ്യുന്ന 2 ആശുപത്രികളുടെയും ഇടയില് സ്ഥാപിച്ചിരുന്ന കൗണ്ഡര്, ന്യായമായ നിരക്കില് യാത്ര ചെയ്യാന് രോഗികളെ സഹായിച്ചിരുന്നു. എന്നാല് കാരണങ്ങളൊന്നും വ്യക്തമാക്കാതെ ട്രാഫിക്ക് പൊലീസ് കൗണ്ഡര് അടക്കുകയായിരുന്നു. നിലവില് ഈ ഇടം മാലിന്യം തളളാനുളള കേന്ദ്രമായി മാറിയട്ടുണ്ട് എന്നും റിപ്പോർട്ടുകളുണ്ട്. സംഭവം പരിശോധിച്ച് വരികയാണെന്നും ഉചിതമായ നടപടി സ്വീകരിക്കുമെന്നും ട്രാഫിക്ക് പൊലീസ് ഉദ്യോഗസ്ഥന് അറിയിച്ചു.
Read More