Tag: AUTO METER

ബെംഗളൂരു: നഗരത്തിൽ പ്രവർത്തിക്കുന്ന 1.45 മുതൽ 1.75 ലക്ഷം വരെ ഓട്ടോറിക്ഷകളിൽ 75,000 എണ്ണത്തിന് മാത്രമാണ് ഡിജിറ്റൽ ഫെയർ മീറ്ററുകൾ അനുവദിച്ചതെന്ന് ലീഗൽ മെട്രോളജി വകുപ്പ് അറിയിച്ചു. നഗരത്തിലെ പകുതിയിലധികം ഓട്ടോറിക്ഷകളും അനധികൃതമായാണ് പ്രവർത്തിക്കുന്നത് എന്ന നിഗമനത്തിലേക്കാണ് ഈവിവരങ്ങൾ വിരൽ ചൂണ്ടുന്നത്. “ഡിജിറ്റൽ ഫെയർ മീറ്ററുകൾ ഘടിപ്പിച്ച 75,000 ഓട്ടോറിക്ഷകൾ മാത്രമാണ് ഡിപ്പാർട്ട്‌മെന്റിന്റെ അനുമതിയോടെ  ഇവിടെ രജിസ്റ്റർ ചെയ്തിട്ടുള്ളത്. ഞങ്ങൾ അംഗീകരിക്കാത്ത മീറ്ററുകളുള്ള ഓട്ടോറിക്ഷകൾക്കെതിരെയോ മീറ്റർഇല്ലാതെ ഓടുന്നവർക്കെതിരെയോ നടപടിയെടുത്തേക്കാവുന്നതാണ്” എന്ന് അസിസ്റ്റന്റ് കൺട്രോളർ ഓഫ്ലീഗൽ മെട്രോളജി (ടെക്‌നിക്കൽ) കുമാർ എം എസ് പറഞ്ഞു.