Category: LATEST NEWS

ബെംഗളൂരു: ചെലവ് ചുരുക്കലിന്റെയും പുനഃസംഘടനയുടെയും ഭാഗമായി ആഗോളതലത്തിൽ 1000 ജീവനക്കാരെക്കൂടി പിരിച്ചുവിട്ട് ഇ-കോമേഴ്സ് ഭീമന്മാരായ ആമസോൺ. പ്രൈം ബിഗ് ഡീൽ ഡേയ്‌സ് വിൽപ്പന തുടരുന്നതിനിടെയാണ് കമ്പനിയുടെ പുതിയ നടപടി. ഇന്ത്യയിൽ ബെംഗളൂരു, ഹൈദരാബാദ് ഓഫീസുകളിലെ നൂറോളം ജീവനക്കാരെയാണ് പിരിച്ചുവിടൽ ബാധിച്ചിരിക്കുന്നത്. ഉപഭോക്താക്കൾക്കായി കൂടുതൽ വേഗത്തിൽ നവീകരണങ്ങൾ നടപ്പിലാക്കുന്നതിനാണ് ടീം ഘടനയിൽ മാറ്റങ്ങൾ വരുത്തുന്നതെന്ന് ആമസോൺ വക്താവ് വിശദീകരിച്ചു. ഇതിന്റെ ഭാഗമായി സ്റ്റോർസ് വിഭാഗത്തിൽ വരുത്തിയ ക്രമീകരണങ്ങളാണ് നിലവിലെ തൊഴിൽ നഷ്ടത്തിന് കാരണമെന്നും ബാധിക്കപ്പെട്ട ജീവനക്കാർക്ക് ആവശ്യമായ പിന്തുണ നൽകുമെന്നും കമ്പനി വ്യക്തമാക്കി. കഴിഞ്ഞ മൂന്ന്…

ബെംഗളൂരു: ദക്ഷിണ ബംഗളൂരുവിലെ അതിബെലെയിൽ നിയന്ത്രണം വിട്ട അതിവേഗ കാർ പെട്രോൾ പമ്പിലേക്ക് ഇടിച്ചുകയറി വൻ തീപിടിത്തം. ബുധനാഴ്ച രാത്രി വൈകിയുണ്ടായ അപകടത്തിൽ പമ്പിലെ ജീവനക്കാരനായ ഗുഡ്ഡു കുമാറിന് പരുക്കേറ്റു. സംഭവവുമായി ബന്ധപ്പെട്ട് കാർ ഓടിച്ചിരുന്ന സഞ്ജയ് എന്നയാളെ അതിബെലെ പോലീസ് കസ്റ്റഡിയിലെടുത്തു. സഞ്ജയ് ഓടിച്ചിരുന്ന ആഡംബര കാർ നിയന്ത്രണം വിട്ട് പമ്പിലേക്ക് പാഞ്ഞുകയറി ആദ്യം ജീവനക്കാരനായ ഗുഡ്ഡു കുമാറിനെ ഇടിച്ചുതെറിപ്പിക്കുകയും തുടർന്ന് ഫ്യുവൽ ഡിസ്പെൻസിങ് യൂണിറ്റിലേക്ക് (ഇന്ധനം നിറയ്ക്കുന്ന മെഷീൻ) ഇടിച്ചുകയറുകയുമായിരുന്നു. കൂട്ടിയിടിച്ചതിന് തൊട്ടുപിന്നാലെ വാഹനത്തിന് തീപിടിച്ചു. ഉടൻ തന്നെ സ്ഥലത്തെത്തിയ ഫയർ…

ബെംഗളൂരു: സ്പെഷ്യൽ ഇൻവെസ്റ്റ്‌മെന്റ് റീജിയൺ (എസ്.ഐ.ആർ) പദ്ധതി ബാധിച്ചവർക്കായി ബെംഗളൂരുവിലെ ഫ്രീഡം പാർക്കിൽ ഇന്ന് ജനകീയ ട്രൈബ്യൂണൽ സംഘടിപ്പിക്കുന്നു. രാവിലെ 10.30-ന് പരിപാടികൾക്ക് തുടക്കമാകും. കർണാടകയിലെ വിവിധ ഭാഗങ്ങളിൽ നിന്നുള്ള എസ്.ഐ.ആർ ഇരകൾ ട്രൈബ്യൂണലിൽ പങ്കെടുക്കുമെന്ന് പ്രമുഖ നടനും സാമൂഹിക പ്രവർത്തകനുമായ പ്രകാശ് രാജ് അറിയിച്ചു. പ്രമുഖ ഡിജിറ്റൽ കണ്ടന്റ് ക്രിയേറ്റർ ധ്രുവ് രാഠി, അഭിജീത് ദിപ്കെ തുടങ്ങിയ പ്രമുഖരും ചടങ്ങിൽ പങ്കെടുക്കുമെന്നാണ് പ്രതീക്ഷിക്കുന്നത്. പദ്ധതി മൂലം ദുരിതമനുഭവിക്കുന്നവരുടെ പരാതികളും പ്രശ്നങ്ങളും നേരിട്ട് കേൾക്കുന്നതിനും അവർക്ക് പിന്തുണ പ്രഖ്യാപിക്കുന്നതിനുമായാണ് ജനകീയ ട്രൈബ്യൂണൽ സംഘടിപ്പിച്ചിരിക്കുന്നത്.

ബെംഗളൂരു: വോട്ടർ പട്ടികയിലെ ക്രമക്കേടുകൾക്കെതിരെ സി.ജെ.പി ഉൾപ്പെടെയുള്ള സാമൂഹിക, രാഷ്ട്രീയ സംഘടനകളുടെ നേതൃത്വത്തിൽ ബെംഗളൂരു ഫ്രീഡം പാർക്കിൽ സംഘടിപ്പിക്കുന്ന വൻ ബഹുജന പ്രതിഷേധത്തിൽ പ്രമുഖ യൂട്യൂബറും രാഷ്ട്രീയ നിരീക്ഷകനുമായ ധ്രുവ് റാഠി പങ്കെടുക്കും. ഒക്ടോബർ 8-നാണ് പ്രക്ഷോഭ പരിപാടികൾ നിശ്ചയിച്ചിരിക്കുന്നത്. “വോട്ട് സംരക്ഷിക്കൂ, ജനാധിപത്യം സംരക്ഷിക്കൂ” എന്ന പ്രധാന മുദ്രാവാക്യമുയർത്തിയാണ് പ്രതിഷേധ സമരം സംഘടിപ്പിക്കുന്നത്. View this post on Instagram പ്രത്യേക തീവ്ര വോട്ടർപട്ടിക പുതുക്കലിലൂടെ (SIR) വ്യാപകമായി വോട്ടുകൾ വെട്ടിമാറ്റിയെന്നും ക്രമക്കേടുകൾ നടത്തിയെന്നും ആരോപിച്ചാണ് പ്രതിഷേധം. പ്രശസ്ത നടനും സാമൂഹിക പ്രവർത്തകനുമായ…