Category: BENGALURU NEWS

ബെംഗളൂരു : കർണാടകയിലെ രണ്ട് നിയമസഭാ മണ്ഡലങ്ങളിൽ വോട്ടർപട്ടികയിൽ നിന്ന് വ്യാപകമായി പേരുകൾ നീക്കം ചെയ്യാൻ ശ്രമം നടന്നതായി പരാതി. വ്യവസായ മന്ത്രി എം.ബി. പാട്ടീൽ പ്രതിനിധീകരിക്കുന്ന ബബലേശ്വർ, ഗ്രാമവികസന മന്ത്രി ഈശ്വർ ഖണ്ഡ്രെയുടെ മണ്ഡലമായ ഭാൽക്കി എന്നിവിടങ്ങളിലാണ് സർപ്രൈസ് ഇൻസ്‌പെക്ഷൻ റിവിഷൻ (SIR) നടപടികൾക്കിടെ ക്രമക്കേട് പുറത്തുവന്നത്. വോട്ടർപട്ടിക ഭേദഗതിയുമായി ബന്ധപ്പെട്ട് ആക്ഷേപങ്ങളൊന്നുമില്ലെന്ന തിരഞ്ഞെടുപ്പ് കമ്മീഷന്റെ മുൻ അവകാശവാദത്തെ തള്ളുന്നതാണ് പുതിയ വിവരങ്ങൾ. ബബലേശ്വറിൽ 1,682 പേരുടെയും ഭാൽക്കിയിൽ 2,928 പേരുടെയും പേരുകൾ ഒഴിവാക്കണമെന്ന് ആവശ്യപ്പെട്ടാണ് ഫോം 7 അപേക്ഷകൾ സമർപ്പിക്കപ്പെട്ടത്. നീക്കം…

ബെംഗളൂരു: റിച്ച്മണ്ട് ടൗണിൽ കടയ്ക്ക് മുന്നിൽ സൂക്ഷിച്ചിരുന്ന 50 ലിറ്റർ നന്ദിനി പാൽ മോഷണം പോയി. വെള്ളി രാവിലെ അഞ്ചോടെയാണ് സംഭവം. സ്കൂട്ടറിലെത്തിയ തിരിച്ചറിഞ്ഞിട്ടില്ലാത്ത സംഘമാണ് മിൽക്ക് ക്രേറ്റുകൾ തട്ടിയെടുത്തതെന്ന് പൊലീസ് പറഞ്ഞു. പുലർച്ചെ വിതരണത്തിനെത്തിച്ച പാൽ ക്രേറ്റുകൾ കടയുടമ തുറക്കുന്നതിനായി പുറത്ത് വെച്ചിരിക്കുകയായിരുന്നു. സമീപത്തെ സിസിടിവി ദൃശ്യങ്ങൾ കേന്ദ്രീകരിച്ച് പ്രതികൾക്കായി പൊലീസ് അന്വേഷണം ഊർജിതമാക്കിയിട്ടുണ്ട്.

ബെംഗളൂരു: റോഡിൽ ബൈക്കിന് പിന്നിൽ തൂക്കിയിട്ട ഗിറ്റാർ ബാഗ് പിൻയാത്രക്കാരനാണെന്ന് തെറ്റിദ്ധരിച്ച് എഐ (നിർമ്മിത ബുദ്ധി) ക്യാമറ 500 രൂപ പിഴ ചുമത്തി. ഹെബ്ബാളിൽ നിന്ന് ടിൻ ഫാക്ടറിയിലേക്ക് യാത്ര ചെയ്യുകയായിരുന്ന ഇരുചക്ര വാഹന ഉടമയ്ക്കാണ് ഹെൽമറ്റ് ധരിക്കാത്ത പിൻയാത്രക്കാരനുണ്ടെന്ന പേരിൽ ബെംഗളൂരു ട്രാഫിക് പോലീസിന്റെ ഇ-ചെല്ലാൻ ലഭിച്ചത്. ചെല്ലാനൊപ്പമുള്ള ചിത്രം സൂക്ഷ്മമായി പരിശോധിച്ചപ്പോഴാണ് പിന്നിലിരുന്ന ‘യാത്രക്കാരൻ’ തോളിൽ തൂക്കിയിട്ട ഗിറ്റാർ ബാഗാണെന്ന് ഉടമയ്ക്ക് മനസ്സിലായത്. ഗിറ്റാർ ബാഗിന്റെ ആകൃതിയും അത് വച്ചിരുന്ന രീതിയും കാരണമാണ് ക്യാമറ അത് പിൻയാത്രക്കാരനാണെന്ന് തെറ്റായി തരംതിരിച്ചതെന്നും തുടർന്നാണ്…

ബെംഗളൂരു: മികച്ച ദോശക്കടകളും സൂര്യാസ്തമയ കാഴ്ചകളും സ്ട്രീറ്റ് ഷോപ്പിംഗ് കേന്ദ്രങ്ങളും പരിചയപ്പെടുത്തുന്ന നഗര വഴികാട്ടികൾക്കിടയിൽ, ഇപ്പോൾ സോഷ്യൽ മീഡിയയിൽ വൈറലാകുന്നത് ബെംഗളൂരുവിലെ “കരച്ചിൽ മാർഗ്ഗരേഖ” അഥവാ ‘ക്രയിംഗ് ഗൈഡ്’ ആണ്. സാധാരണയായി വ്യക്തിപരമായ അനുഭവങ്ങളും വികാരങ്ങളും നഗരത്തിന്റെ പൊതു ഇടങ്ങളിലേക്ക് വ്യാപിപ്പിച്ചു നിർമ്മിച്ച ഈ ഗൈഡ് ഇതിനകം നെറ്റിസൺമാർക്കിടയിൽ വലിയ ചർച്ചയായിട്ടുണ്ട്. സ്വസ്ഥമായി കരയാൻ ചില നഗരയിടങ്ങൾ കബ്ബൺ പാർക്ക്, ലാൽബാഗ്, അഗര തടാകക്കര തുടങ്ങിയ ശാന്തമായ പ്രകൃതിദത്ത ഇടങ്ങൾ, ആളനക്കമില്ലാത്ത കഫേകൾ, നഗരാതിർത്തികളിലേക്കുള്ള ദീർഘദൂര യാത്രകൾ, ആരാധനാലയങ്ങൾ, സാംസ്കാരിക കേന്ദ്രങ്ങൾ തുടങ്ങി സ്വകാര്യ…

ബെംഗളൂരു: ക്യാമ്പസുകളിൽ കടുത്ത ഡ്രസ് കോഡുകളും ആൺകുട്ടികളുടെ താടിയും മുടിയും മുറിക്കുന്നത് ഉൾപ്പെടെയുള്ള വ്യക്തിഗത ലുക്കുകളിൽ നിയന്ത്രണങ്ങൾ ഏർപ്പെടുത്തുന്ന കോളേജ് അധികൃതരുടെ നടപടിക്കെതിരെ വിദ്യാർത്ഥി പ്രതിഷേധം പുകയുന്നു. ഈസ്റ്റ് ബെംഗളൂരുവിലെ പ്രമുഖ ഡിഗ്രി കോളേജിൽ ആഴ്ചയിലൊരിക്കൽ നിർബന്ധമാക്കിയിട്ടുള്ള യൂണിഫോമും ബ്ലേസറും ധരിച്ചെത്തണമെന്ന ഉത്തരവിനെ തുടർന്ന് ഒരു വിഭാഗം വിദ്യാർത്ഥികൾ കോളേജ് കവാടത്തിന് മുന്നിൽ ശക്തമായ പ്രതിഷേധ പ്രകടനം നടത്തി. ഇൻസ്റ്റാഗ്രാം ഉൾപ്പെടെയുള്ള സോഷ്യൽ മീഡിയ പ്ലാറ്റ്‌ഫോമുകളിലൂടെ ഇത്തരം കടുത്ത അച്ചടക്ക നിയമങ്ങൾക്കെതിരെ വിദ്യാർത്ഥികൾ രംഗത്തെത്തിയിട്ടുണ്ട്. നിയമങ്ങൾ എന്തുകൊണ്ട് നിർബന്ധമാക്കുന്നുവെന്നും തങ്ങളുടെ അഭിപ്രായങ്ങൾ കേൾക്കാൻ അധികൃതർ…

ബംഗളുരു : സാംസ്കാരിക നഗരമായ മൈസൂരുവിൽ ലോകപ്രശസ്തമായ ദസറ ആഘോഷങ്ങൾക്കുള്ള ഒരുക്കങ്ങൾ പൂർത്തിയായി വരുമ്പോൾ, സംസ്ഥാനത്തെ സ്കൂളുകൾക്കുള്ള ദസറ അവധിക്കാലം പ്രഖ്യാപിച്ച് വിദ്യാഭ്യാസ വകുപ്പ്. സ്കൂൾ വിദ്യാഭ്യാസ, സാക്ഷരതാ വകുപ്പ് പ്രസിദ്ധീകരിച്ച വാർഷിക അക്കാദമിക് കലണ്ടർ അനുസരിച്ച് ഒക്ടോബർ 3 മുതൽ ഒക്ടോബർ 21 വരെ തുടർച്ചയായി 19 ദിവസത്തെ അവധിയാണ് വിദ്യാർത്ഥികൾക്ക് ലഭിക്കുന്നത്. സംസ്ഥാനത്തെ എല്ലാ സർക്കാർ, എയ്ഡഡ്, സ്വകാര്യ പ്രൈമറി-ഹൈസ്കൂളുകൾക്കും ഈ അവധി ബാധകമായിരിക്കും. ഒക്ടോബർ 2-ന് ഗാന്ധി ജയന്തി പൊതുഅവധിയായതിനാൽ അതിന് തൊട്ടടുത്ത ദിവസമായ ഒക്ടോബർ 3 ശനിയാഴ്ച മുതലാണ്…

ബെംഗളൂരു: കർണാടകയിൽ ബൈക്ക് ടാക്സികൾക്ക് ലൈസൻസ് നൽകാൻ അനുമതി നൽകിയ ഹൈക്കോടതി ഉത്തരവിനെതിരെ സംസ്ഥാനത്തെ അഞ്ച് പ്രമുഖ ഓട്ടോ, ടാക്സി ഡ്രൈവർ സംഘടനകൾ സുപ്രീം കോടതിയെ സമീപിച്ചു. മോട്ടോർ സൈക്കിളുകൾ ട്രാൻസ്പോർട്ട് വാഹനങ്ങളായി രജിസ്റ്റർ ചെയ്യുന്നതിനും കോൺട്രാക്ട് കാര്യേജുകളായി പ്രവർത്തിപ്പിക്കുന്നതിനുമുള്ള ലൈസൻസ് അപേക്ഷകൾ പരിഗണിക്കാൻ സംസ്ഥാന സർക്കാരിനോട് നിർദ്ദേശിച്ച കർണാടക ഹൈക്കോടതിയുടെ ജനുവരി 23-ലെ ഉത്തരവിനെ ചോദ്യം ചെയ്താണ് ഹർജി സമർപ്പിച്ചത്. നാദപ്രഭു കെമ്പെഗൗഡ ഓട്ടോ ഡ്രൈവേഴ്‌സ് അസോസിയേഷൻ, കർണാടക വെങ്കട ഗൗഡ ഓട്ടോ ആൻഡ് ടാക്സി ഡ്രൈവേഴ്‌സ് അസോസിയേഷൻ, ഗ്രേറ്റർ ബാംഗ്ലൂർ ഡ്രൈവേഴ്‌സ്…

ബെംഗളൂരു: യാത്രക്കാരുടെ സൗകര്യം വർധിപ്പിക്കുന്നതിന്റെയും സേവനങ്ങൾ കൂടുതൽ കാര്യക്ഷമമാക്കുന്നതിന്റെയും ഭാഗമായി കെമ്പെഗൗഡ അന്താരാഷ്ട്ര വിമാനത്താവളത്തിലെ (KIA) ഐ.വി.ആർ.എസ് (Interactive Voice Response System) സംവിധാനം പരിഷ്കരിക്കുന്നു. ഫോൺ വിളിക്കുന്ന യാത്രക്കാർക്ക് മുൻകൂട്ടി റെക്കോർഡ് ചെയ്ത ശബ്ദ നിർദേശങ്ങളിലൂടെയും കീപാഡ് അമർത്തുന്നതിലൂടെയും വിമാന സമയം, മറ്റ് വിമാനത്താവള വിവരങ്ങൾ എന്നിവ വേഗത്തിൽ ലഭ്യമാക്കുന്ന ഓട്ടോമേറ്റഡ് ഫോൺ സാങ്കേതികവിദ്യയാണ് ഐ.വി.ആർ.എസ്. നിലവിൽ 080-6678555, 080-47406666 എന്നീ ഫോൺ നമ്പറുകൾ വഴിയാണ് വിമാനത്താവളത്തിലെ വിവര അന്വേഷണങ്ങൾക്കും നഷ്ടപ്പെട്ട സാധനങ്ങളെക്കുറിച്ചുള്ള വിവരങ്ങൾക്കുമായി ഐ.വി.ആർ.എസ് സംവിധാനം പ്രവർത്തിക്കുന്നത്. എന്നാൽ പ്രതിദിനം വിമാനത്താവളം…

ബെംഗളൂരു: കർണാടക സർക്കാരിന്റെ പ്രമുഖ ക്ഷേമപദ്ധതിയായ ഗൃഹലക്ഷ്മി യോജനയുടെ അർഹതാ മാനദണ്ഡങ്ങളിൽ മാറ്റങ്ങൾ വരുത്തിക്കൊണ്ട് സർക്കാർ പുതിയ മാർഗ്ഗനിർദ്ദേശങ്ങൾ പുറപ്പെടുവിച്ചു. അർഹരായ ഗുണഭോക്താക്കൾക്ക് മാത്രം ആനുകൂല്യം ഉറപ്പാക്കുന്നതിനും പദ്ധതിയിലെ ക്രമക്കേടുകൾ തടയുന്നതിനുമായി സംസ്ഥാന സർക്കാർ നടപടികൾ കർശനമാക്കുകയാണ്. ഇതിന്റെ ഭാഗമായി എസ്‌ഐആർ (SIR) പ്രക്രിയ പൂർത്തിയാക്കിയ ശേഷം വിവരങ്ങളുടെ പുനഃപരിശോധന ആരംഭിക്കും. പദ്ധതി സംസ്ഥാനത്തെ നിവാസികൾക്ക് മാത്രമായി പരിമിതപ്പെടുത്താനുള്ള നിർണ്ണായക നീക്കത്തിലാണ് അധികൃതർ. പുതിയ മാനദണ്ഡങ്ങൾ പദ്ധതിയുടെ ആനുകൂല്യം ലഭിക്കുന്നതിനായി ഗുണഭോക്താക്കളായ സ്ത്രീകളുടെ വിവരം കൂടാതെ ഭർത്താവിന്റെ വിവരങ്ങളും ബന്ധിപ്പിക്കുന്നത് ഇനിമുതൽ നിർബന്ധമാണ്. ബാങ്ക്…

ബെംഗളൂരു : രാജാജിനഗർ മെട്രോ സ്റ്റേഷനിൽ ട്രാക്കിലേക്ക് ആൾ വീണതിനെ തുടർന്ന് ബുധനാഴ്ച വൈകുന്നേരം പ്രദേശത്ത് നേരിയ പരിഭ്രാന്തി പരന്നു. രാജാജിനഗർ സ്വദേശിയായ നാൽപ്പതുകാരനാണ് വൈകുന്നേരം നാലു മണിയോടെ ട്രാക്കിലേക്ക് വീണത്. ട്രെയിനിൽ കയറാൻ ശ്രമിക്കുന്നതിനിടെ അബദ്ധത്തിൽ കാൽ വഴുതി ട്രാക്കിലേക്ക് വീഴുകയായിരുന്നുവെന്നാണ് ഇയാൾ പൊലീസിന് നൽകിയ മൊഴി. എന്നാൽ ഇയാൾ ട്രാക്കിലേക്ക് ചാടാൻ ശ്രമിച്ചതാണെന്നാണ് ബംഗളൂരു മെട്രോ റെയിൽ കോർപ്പറേഷൻ ലിമിറ്റഡ് (BMRCL) അധികൃതരുടെ നിഗമനം. സംഭവം നടക്കുമ്പോൾ പ്ലാറ്റ്‌ഫോമിലേക്ക് ട്രെയിനുകൾ വരികയോ പ്ലാറ്റ്‌ഫോമിൽ നിന്ന് പുറപ്പെടുകയോ ചെയ്യാതിരുന്നതിനാൽ വൻ ദുരന്തം ഒഴിവായി.…