Author: ന്യൂസ്‌ ഡെസ്ക്

ബെംഗളൂരു: ഹണി ട്രാപ്പിലൂടെ ഭീഷണിപ്പെടുത്തിയ സ്വകാര്യ സ്‌കൂള്‍ അധ്യാപികയായ യുവതി പിടിയിൽ. വൈവാഹിക വെബ്സൈറ്റുകളില്‍ നിന്ന് ഫോണ്‍ നമ്പര്‍ ശേഖരിച്ചാണ് യുവാക്കളുമായി ബന്ധപ്പെട്ട ശേഷം ഭീഷണിപ്പെടുത്തി പണം തട്ടിയിരുന്നത്. നഗരത്തിൽ താമസിക്കുന്ന 22-കാരന്റെ പരാതിയിലാണ് സ്വകാര്യ സ്‌കൂള്‍ അധ്യാപികയായിരുന്ന കവിത എന്ന യുവതി അറസ്റ്റിലായത്. വൈവാഹിക വെബ്സൈറ്റുകളില്‍ നിന്ന് നമ്പര്‍ എടുത്ത ശേഷം വിവാഹത്തിന് താല്പര്യമുണ്ടെന്ന് യുവാക്കളെ വിളിച്ച് അറിയിക്കും. തുടര്‍ന്ന് ഇവരുമായി അടുപ്പം സ്ഥാപിയ്ക്കും. അടുപ്പമാകുന്നവരുമായി ശാരീരിക ബന്ധത്തില്‍ ഏര്‍പ്പെടുകയും ഈ ദൃശ്യങ്ങള്‍ ചിത്രീകരിക്കുകയും ചെയ്യും. പിന്നീട് ഈ ദൃശ്യങ്ങള്‍ കാണിച്ച് യുവാക്കളെ ഭീഷണിപ്പെടുത്തി പണം തട്ടുകയാണ്…

ബെംഗളൂരു: നഗരത്തിൽ നിന്ന് നാട്ടിലേയ്ക്ക് വിമാന ടിക്കറ്റ് ബുക്ക് ചെയ്യാന്‍ ശ്രമിച്ച 68-കാരന് നഷ്ടമായത് 7ലക്ഷം രൂപ. തിരുവനന്തപുരത്തേയ്ക്ക് വിമാന ടിക്കറ്റ് ബുക്ക് ചെയ്യാന്‍ ശ്രമിച്ച വയോധികനാണ് വന്‍ തുക നഷ്ടമായത്. തട്ടിപ്പിന് ഇരയായ വ്യക്തി പൊലീസില്‍ പരാതി നല്‍കിയിട്ടുണ്ട്. ജനുവരി 18-ലെ യാത്രയ്ക്കുള്ള ടിക്കറ്റ് ആപ്പ് വഴിയാണ് ഇദ്ദേഹം ടിക്കറ്റ് ബുക്ക് ചെയ്യാന്‍ ശ്രമിച്ചത്. തുടര്‍ന്ന് പേയ്‌മെന്റ് നടന്നിട്ടില്ല എന്നുള്ള ടെക്സ്റ്റ് മെസേജാണ് ലഭിച്ചത്. ഇതോടെ അക്കൗണ്ട് പരിശോധിച്ചു. അപ്പോഴാണ് ഏഴു ലക്ഷം രൂപ നഷ്ടപ്പെട്ടതായി കണ്ടെത്തിയത്. തട്ടിപ്പിന് ഇരയായതിന് പിന്നാലെ ഡിസംബര്‍ 31ന്…

ബെംഗളൂരു: ജനിതകമാറ്റം സംഭവിച്ച കോവിഡ് വൈറസ് മൂന്നുപേർക്കുകൂടി സ്ഥിരീകരിച്ചു; ഇതിൽ ഒരാൾ ബ്രിട്ടനിൽനിന്ന്‌ മടങ്ങിയെത്തിയയാളുടെ പ്രാഥമികസമ്പർക്കത്തിൽവന്നയാളാണെന്ന് ആരോഗ്യവകുപ്പധികൃതർ പറഞ്ഞു. സംസ്ഥാനത്ത് ആദ്യമായാണ് പുതിയതരം കോവിഡ് സമ്പർക്കത്തിലൂടെ പടരുന്നത് കണ്ടെത്തിയത്. ഇതോടെ സംസ്ഥാനത്ത് വകഭേദംസംഭവിച്ച കോവിഡ് ബാധിച്ചവരുടെ എണ്ണം പത്തായി. ബ്രിട്ടനിൽനിന്ന്‌ മടങ്ങിയെത്തിയവരാണ് പത്തുപേരും. ബ്രിട്ടനിൽനിന്ന്‌ മടങ്ങിയെത്തിയ ഒരു ഡോക്ടറും അദ്ദേഹത്തിന്റെ അമ്മയുമാണ് പുതുതായി വൈറസ് ബാധ സ്ഥിരീകരിച്ചവരിൽ രണ്ടുപേർ. ഇതിൽ അമ്മ ഡോക്ടറുടെ പ്രാഥമികസമ്പർക്കത്തിൽ വന്നയാളാണ്. വൈറസ് സ്ഥിരീകരിച്ച മൂന്നുപേരും നഗരത്തിലെ വിക്ടോറിയ ആശുപത്രിയിൽ ചികിത്സയിൽ കഴിയുകയാണ്.

ബെംഗളൂരു: രാജ്യത്തുടനീളം കോവിഡ് വാക്സിൻ വിതരണത്തിന് മുന്നോടിയായി സംഘടിപ്പിക്കുന്ന ഡ്രൈ റൺ ബെംഗളൂരു അർബൻ ഉൾപ്പടെ ഇന്ന് സംസ്ഥാനത്ത് അഞ്ചുജില്ലകളിൽ സംഘടിപ്പിക്കും. ബെലഗാവി, കലബുറഗി, മൈസൂരു, ശിവമോഗ എന്നിവിടങ്ങളാണ് ഡ്രൈ റൺ നടത്തുന്ന മറ്റു ജില്ലകൾ. ഓരോ ജില്ലയിലും മൂന്നുകേന്ദ്രങ്ങളാണ് ഇതിനായി തിരഞ്ഞെടുത്തിരിക്കുന്നത്. ജില്ലാതല ആരോഗ്യകേന്ദ്രത്തിലും താലൂക്കുതല ആരോഗ്യകേന്ദ്രത്തിലും പ്രാഥമികതല ആരോഗ്യകേന്ദ്രത്തിലും ഡ്രൈ റൺ നടത്തും. ഇതിന്റെ റിപ്പോട്ട് കേന്ദ്ര ആരോഗ്യവകുപ്പിന് കൈമാറും. കോവിഡ് വാക്സിൻ വിതരണത്തിനുള്ള സാങ്കേതിക സൗകര്യങ്ങൾ ഒരുക്കൽ,വാക്സിനേഷൻ നടത്തുന്ന സംഘത്തിന്റെ വിന്യാസം, വാക്സിനേഷൻ നടത്തുന്നതിന്റെ മോക്‌ഡ്രിൽ, വിവരങ്ങളുടെ അവലോകനം, കംപ്യൂട്ടർ സംവിധാനത്തിലേക്കുള്ള അപ്‌ലോഡിങ്, വാക്സിനുകൾ…

ബെംഗളൂരു: കന്നുകാലി മാംസം ഇഷ്ടമാണ്, എന്ത് ഭക്ഷണം കഴിക്കണമെന്നത് തന്‍റെ അവകാശമാണെന്ന് കര്‍ണാടക മുന്‍ മുഖ്യമന്ത്രി സിദ്ധരാമയ്യ. ചില വിഷയങ്ങളില്‍ പ്രതികരിക്കാനുള്ള പാര്‍ട്ടി നേതാക്കന്മാരുടെ ധൈര്യമില്ലായ്മയെ രൂക്ഷമായി വിമര്‍ശിച്ചാണ് സിദ്ധരാമയ്യുടെ പ്രസ്താവന. താന്‍ കന്നുകാലി മാംസം കഴിക്കാറുള്ള ആളാണ്. അത് ചോദ്യം ചെയ്യാന്‍ നിങ്ങളാരാണ്? എന്ന് അദ്ദേഹം ചോദിച്ചു. താനിത് അസംബ്ലിയിലും പറഞ്ഞിട്ടുള്ളതാണ്. നിങ്ങള്‍ക്ക് കഴിക്കേണ്ട എന്നാണെങ്കില്‍ നിങ്ങള്‍ കഴിക്കണ്ട, അതിനാരും നിര്‍ബന്ധിക്കുന്നില്ല. എന്ത് കഴിക്കണം എന്നുള്ളത് എന്‍റെ അവകാശമാണ് അത് ചോദിക്കാന്‍ നിങ്ങള്‍ ആരാണെന്നും സിദ്ധരാമയ്യ ചോദിക്കുന്നു. എനിക്ക് കന്നുകാലി മാംസം ഇഷ്ടമാണ്…

ബെംഗളൂരു: നഗരത്തിൽ പുതുവത്സരാഘോഷത്തിന് വിലക്ക്. ഡിസംബർ 31-ന് വൈകീട്ട് ആറുമുതൽ ജനുവരി ഒന്ന് രാവിലെ ആറുവരെ നഗരത്തിൽ സി.ആർ.പി.സി.144(1)പ്രകാരം നിരോധനാജ്ഞ പ്രഖ്യാപിച്ചതായി ബെംഗളൂരു സിറ്റി പോലീസ് കമ്മീഷണർ കമൽപന്ത് അറിയിച്ചു. പുതുവത്സരാഘോഷങ്ങൾക്കിടെ ആൾക്കൂട്ടമുണ്ടാകുന്നത് ഒഴിവാക്കാൻ നേരത്തേ നൈറ്റ് കർഫ്യൂ പ്രഖ്യാപിച്ചിരുന്നെങ്കിലും വ്യാപക എതിർപ്പുയർന്നതോടെ പിൻവലിച്ചിരുന്നു. ഇതോടെയാണ് പുതുവത്സരാഘോഷത്തിന് വിലക്ക് ഏർപ്പെടുത്തിയതും നഗരത്തിൽ നിരോധനാജ്ഞ പ്രഖ്യാപിച്ചതും. പുതിയ തരം കോവിഡ് വ്യാപനം ഉയർത്തുന്ന ഭീഷണിയുടെ പശ്ചാത്തലത്തിലാണ് പുതിയ തീരുമാനം. ഇതുപ്രകാരം പൊതുസ്ഥലങ്ങളിലും തുറസ്സായ സ്ഥലങ്ങളിലും മറ്റും അഞ്ചിലധികംപേർ ഒത്തുചേരുന്ന പുതുവത്സരാഘോഷം നഗരത്തിൽ കർശനമായി നിരോധിച്ചു. ഒരു തരത്തിലുള്ള ആഘോഷങ്ങളും…