ഗോള്ഡ് കോസ്റ്റ്: ഇരുപത്തിയൊന്നാമത് കോമണ്വെല്ത്ത് ഗെയിംസില് സില്വര് മെഡല് നേടി മെഡല് പട്ടികയില് സ്ഥാനം പിടിച്ച് ഇന്ത്യ. ഇന്ത്യക്ക് ആദ്യ മെഡല് ലഭിച്ചത് ഭാരോദ്വഹനത്തിലൂടെയാണ്. പുരുഷന്മാരുടെ 56 കിലോ ഭാരോദ്വഹനത്തില് ഇന്ത്യയുടെ പി. ഗുരുരാജയാണ് വെള്ളി മെഡല് കരസ്ഥമാക്കിയത്.
സ്നാച്ചിൽ 111 കിലോഗ്രാം ഉയർത്തിയ ഗുരുരാജ ശ്രീലങ്കൻ താരത്തിന് പിന്നിൽ മൂന്നാം സ്ഥാനത്തായിരുന്നു. എന്നാൽ ക്ലീൻ ആൻഡ് ജെർക്കിൽ 138 കിലാഗ്രാം ഉയർത്തിയ താരം മെഡൽ സ്വന്തമാക്കുകയായിരുന്നു. ആകെ 249 കിലോഗ്രാം ഗുരുരാജ ഉയർത്തി. മലേഷ്യൻ താരം മുഹമ്മദ് ഇസാർ അഹമ്മദാണ് സ്വർണം നേടിയത്. സ്നാച്ചിൽ 117 കിലോയും ക്ലീൻ ആൻഡ് ജെർക്കിൽ 144 കിലോയും ഉയർത്തിയ താരം ഗെയിംസ് റിക്കാർഡും സ്ഥാപിച്ചു. 248 കിലോഗ്രാം ഉയർത്തി ശ്രീലങ്കയുടെ ചതുരംഗ ലക്മൽ വെങ്കലം നേടി.
ഇരുപത്തിയൊന്നാമത് കോമണ്വെല്ത്ത് ഗെയിംസിന് ഓസ്ട്രേലിയയിലെ ഗോള്ഡ് കോസ്റ്റില് വര്ണാഭമായ ചടങ്ങുകളോടെയാണ് തുടക്കം കുറിച്ചത്. ചരിത്രവും സംസ്കാരവും ഒത്തിണങ്ങിയ ചടങ്ങില് ബാഡ്മിന്റണ് താരം പി.വി സിന്ധു ഇന്ത്യന് പതാകയേന്തി. 25,000 ഓളം കാണികള് തിങ്ങി തിറഞ്ഞ കരാര സ്റ്റേഡിയത്തിലാണ് ചടങ്ങുകള് നടന്നത്. ഓസ്ട്രേലിയയുടെ പരമ്പരാഗത സംസ്കാരം വെളിവാക്കുന്നതായിരുന്നു ഉദ്ഘാടന ചടങ്ങിലെ കലാവിരുന്ന്.
കോമണ്വെല്ത്ത് രാജ്യങ്ങളും അംഗ രാജ്യങ്ങളും ഉള്പ്പെടെ 71 രാഷ്ട്രങ്ങളിലെ താരങ്ങള് 19 കായിക ഇനങ്ങളിലായി 275 മത്സരങ്ങളില് ഏറ്റുമുട്ടും. ഈ മാസം 15 വരെയാണ് മത്സരങ്ങള്. എട്ട് ഭിന്നശേഷി താരങ്ങള് ഉള്പ്പെടെ ഇന്ത്യക്കായി 218 താരങ്ങളാണ് കളത്തിലിറങ്ങുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
