ഉദയ്പൂർ: സിനിമാ ലോകം കാത്തിരുന്ന വിവാഹത്തിന് ശേഷം ആരാധകർക്ക് മുന്നിൽ ആദ്യമായി പ്രത്യക്ഷപ്പെട്ട് ചലച്ചിത്ര താരങ്ങളായ വിജയ് ദേവരകൊണ്ടയും രശ്മിക മന്ദാനയും. വെള്ളിയാഴ്ച ഉച്ചയോടെ ഉദയ്പൂർ വിമാനത്താവളത്തിലെത്തിയ താരദമ്പതികളെ ആവേശത്തോടെയാണ് ആരാധകരും മാധ്യമപ്രവർത്തകരും സ്വീകരിച്ചത്.
വിമാനത്താവളത്തിന് പുറത്ത് തടിച്ചുകൂടിയ ജനക്കൂട്ടത്തെ കൈകൂപ്പി അഭിവാദ്യം ചെയ്തും പുഞ്ചിരിച്ചും ഇരുവരും തങ്ങളുടെ സന്തോഷം പങ്കുവെച്ചു. സ്വർണ്ണ വർക്കുകളുള്ള ചുവന്ന അനാർക്കലി സ്യൂട്ടിൽ അതീവ സുന്ദരിയായാണ് രശ്മിക എത്തിയത്. ഗ്രേ-സിൽവർ നിറത്തിലുള്ള ലളിതമായ കുർത്തയും പൈജാമയുമായിരുന്നു വിജയ്യുടെ വേഷം. ആരാധകർക്ക് നേരെ ഫ്ലൈയിംഗ് കിസ്സുകൾ നൽകിയും കൈവീശിയും താരങ്ങൾ വിമാനത്താവളത്തിൽ സമയം ചെലവഴിച്ചു.
ഫെബ്രുവരി 26ന് അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ലളിതവും എന്നാൽ ആഢംബരപൂർണ്ണവുമായ ചടങ്ങിലായിരുന്നു ഇരുവരും വിവാഹിതരായത്. വർഷങ്ങളായുള്ള ഗോസിപ്പുകൾക്കും ആരാധകരുടെ കാത്തിരിപ്പിനും വിരാമമിട്ടുകൊണ്ടാണ് ടോളിവുഡിലെ ഈ പ്രിയ ജോഡികൾ ഒന്നായത്. വിമാനത്താവളത്തിൽ നിന്നുള്ള ഇവരുടെ ദൃശ്യങ്ങൾ ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
