ബെംഗളുരു: യെലഹങ്ക ഫക്കീര് കോളനി കുടിയൊഴിപ്പിക്കല് വിവാദമായിരിക്കെ, ബെംഗളുരുവിലെ തനിസന്ദയില് സമാനമായ ഇടിച്ചുനിരത്തലുമായി കര്ണാടക സര്ക്കാര്.
മുന്കൂര് നോട്ടിസ് പോലും
നല്കാതെയാണ് തനിസന്ദ
അശ്വത്ഥ് നഗറിലെ വീടുകളും
ഷെഡുകളും ഉള്പ്പെടെ 60 നിര് മിതികള് ബെംഗളുരു വികസന അതോറിറ്റി (ബിഡിഎ) വ്യാഴാഴ്ച ഇടിച്ചുനിരത്തിയത്.
കുടിയൊഴിപ്പിച്ചവരെ പാര്പ്പി
ക്കാന് ഹെഗ്ഡെ നഗര്
കമ്യൂണിറ്റി ഹാളില് താല്ക്കാലിക സംവിധാനം ഒരുക്കിയെങ്കിലും, ഇവിടം വിട്ടു പോകാന് പ്രദേശവാസികള് തയാറായില്ല.
ഭൂമി തങ്ങളുടേതാണന്നും വസ്തുനികുതി അടയ്ക്കുന്നുണ്ടെന്നും ഇതില് ചിലര് ചൂണ്ടിക്കാട്ടി. നോട്ടിസ് പോലും നല്കാതെയാണ് ഇടിച്ചുനിരത്തലെന്ന് ആരോപിച്ച് പ്രതിഷേധം ശക്തമായതോടെ, ബി ഡിഎ കമ്മിഷണര് മണിവണ്ണന് അന്വേഷണം പ്രഖ്യാപിച്ചു.
