ബെംഗളൂരു: പട്ടാപ്പകൽ സ്വർണ്ണക്കട കൊള്ളയടിച്ചു. മൈസൂരു ജില്ലയിലെ ഹുൻസൂർ ബസ് സ്റ്റാൻഡിന് പിന്നിലുള്ള സ്കൈ ഗോൾഡ്സ് ആൻഡ് ഡയമണ്ട്സ് സ്വർണ്ണക്കടയിൽ മുഖംമൂടി ധരിച്ച അഞ്ച് കൊള്ളക്കാർ തോക്ക് ചൂണ്ടിയാണ് കവർച്ച നടത്തിയത്. നാല് മുതൽ അഞ്ച് കോടി രൂപ വരെ വിലമതിക്കുന്ന സ്വർണ്ണ, വജ്രാഭരണങ്ങൾ കൊള്ളയടിച്ച ശേഷം സംഘം രക്ഷപ്പെട്ടു. ബൈക്കുകളിൽ എത്തിയ കൊള്ളക്കാർ കടയിൽ കയറി സ്വർണ്ണാഭരണങ്ങൾ മോഷ്ടിച്ച ശേഷം കടന്നു കളഞ്ഞു്. സംഭവം പുറത്തറിഞ്ഞയുടനെ പോലീസ് സ്ഥലത്തെത്തി അന്വേഷണം നടത്തി.
കേരളത്തിൽ നിന്നുള്ള ഒരാളുടെ ഉടമസ്ഥതയിലുള്ള സ്കൈ എന്ന ആഭരണശാല 27/04/2015 നാണ് പ്രവർത്തനം ആരംഭിച്ചത്. കവർച്ചയെക്കുറിച്ച് അറിഞ്ഞതിനെത്തുടർന്ന് ഐജിപി ബോറലിംഗയ്യയും അഡീഷണൽ പോലീസ് സൂപ്രണ്ട് നാഗേഷും ആഭരണശാല സന്ദർശിച്ച് പരിശോധന നടത്തി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
