ബെംഗളൂരു : തണുപ്പകറ്റാനുള്ള കരിയടുപ്പിൽനിന്ന് പുക ശ്വസിച്ച് മൂന്ന് യുവാക്കൾ മരിച്ചു. ബെളഗാവിയിൽ നടന്ന സംഭവത്തിൽ രഹാൻ(22), മൊയീൻ(23), സർഫാസ് (22) എന്നിവരാണ് മരിച്ചത്.
ഇവർക്ക് ഒപ്പമുണ്ടായിരുന്ന സുഹൃത്തിനെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു.
കഴിഞ്ഞ രാത്രിയിൽ ഒരു പരിപാടിയിൽ പങ്കെടുത്തശേഷം മുറിയിൽ തിരിച്ചെത്തിയ സുഹൃത്തുക്കൾ കരിയടുപ്പിൽ തീപകർന്നതിനുശേഷം കിടന്നുറങ്ങുകയായിരുന്നു.
ഇതിൽനിന്നുള്ള പുക മുറിയിൽ നിറയുകയും ശ്വാസംമുട്ടലിനെത്തുടർന്ന് മരിക്കുകയുമായിരുന്നു.
