ബെംഗളൂരു: അൽഖായിദയുടെ ആശയപ്രചാരണ ശൃംഖല നടത്തിയിരുന്ന യുവതിയെ ബെംഗളൂരുവിൽ അറസ്റ്റുചെയ്തു.
ബെംഗളൂരുവിൽ ഹെബ്ബാളിലെ ആർടി നഗറിൽനിന്ന് ഷമ പർവീൺ അൻസാരി (30)യെയാണ് കർണാടക പോലീസിന്റെ സഹായത്തോടെ അറസ്റ്റുചെയ്തത്.
ഷമ, ഓൺലൈൻ ഭീകരശൃംഖല നടത്തിയിരുന്നെന്ന് ഗുജറാത്ത് ആഭ്യന്തര സഹമന്ത്രി ഹർഷ് സംഘവി പറഞ്ഞു.
ഇന്ത്യൻ ഉപഭൂഖണ്ഡത്തിലെ അൽ ഖായിദയുമായി ബന്ധപ്പെട്ടാണ് ഇവർ പ്രവർത്തിച്ചിരുന്നത്. നേരത്തേ പിടിയിലായ നാലു യുവാക്കളിൽനിന്ന് ലഭിച്ച വിവരങ്ങളാണ് അറസ്റ്റിലേക്ക് നയിച്ചത്. പാക് ഭീകരരുമായി ഓൺലൈൻബന്ധമുണ്ടായിരുന്നതായും വ്യക്തമായി.
