ബെംഗളൂരു : കോവിഡ് ബാധിച്ച് കർണാടകത്തിൽ ഒരുമരണംകൂടി. ബെലഗാവി ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ ചികിത്സയിലായിരുന്ന 72-കാരനാണ് മരിച്ചത്.
പനിയെത്തുടർന്ന് നാലുദിവസം മുൻപ് ചികിത്സതേടിയ ഇയാളെ പിന്നീട് കോവിഡ് വാർഡിലേക്ക് മാറ്റിയിരുന്നു. ആരോഗ്യം മോശമായതിനെത്തുടർന്ന് വ്യാഴാഴ്ച പുലർച്ചെയോടെ മരിച്ചു.
കഴിഞ്ഞദിവസം ബെംഗളൂരുവിൽ 85-കാരൻ കോവിഡ് ബാധിച്ചു മരിച്ചിരുന്നു.
സംസ്ഥാനത്ത് രജിസ്റ്റർ ചെയ്ത മൊത്തം കൊറോണ കേസുകളിൽ 75 ശതമാനത്തിലധികവും ബെംഗളൂരുവിലാണ് കണ്ടെത്തിയത്. സജീവ കേസുകളിൽ സിംഹഭാഗവും ബാംഗ്ലൂരിലാണ്.
കഴിഞ്ഞ 20 ദിവസത്തിനുള്ളിൽ സംസ്ഥാനത്ത് 171 ൽ അധികം കേസുകൾ സ്ഥിരീകരിച്ചു
