Day: 13 January 2025

ബെംഗളൂരു: സംക്രാന്തി എത്തിയതോടെ കരിമ്പ് ശര്‍ക്കര തേങ്ങ വില കുതിച്ചുയര്‍ന്നു. കരിമ്പ് 10 എണ്ണം അടങ്ങിയ ഒരു കെട്ടിന് 700-900 രൂപ വരെയാണ് വില. ഇത് മുന്‍പ് 500 ല്‍ താഴെയായിരുന്നു . ഒരെണ്ണത്തിന് 100-150 രൂപ വരെയായിരുന്നു ചില്ലറ വില്‍പന വില. മേല്‍ത്തരം ശര്‍ക്കര കിലോയ്ക്ക് 150-200 രൂപ വരെയായി വില ഉയര്‍ന്നിട്ടുണ്ട്. വലിയ തേങ്ങ ഒരെണ്ണത്തിന് 50-60 രൂപയും ഇടത്തരം തേങ്ങയ്ക്ക് 40-50 രൂപയുമാണ് വില. തേങ്ങ വില മാറ്റമില്ലാതെ തുടരുകയാണ് എന്നാണ് വ്യാപാരികള്‍ പറയുന്നത്‌.

ബെംഗളൂരു: ചാംരാജ്പേട്ടിൽ പശുക്കളുടെ അകിട് അറുത്ത സംഭവത്തിൽ പ്രതി അറസ്റ്റിൽ. സംഭവസമയം ഇയാൾ മദ്യ ലഹരിയിലാണ് ക്രൂരകൃത്യം ചെയ്‌തതെന്നാണ് നിഗമനം. ബിഹാർ സ്വദേശി ഷെയ്ഖ് നാസർ ആണ് അറസ്റ്റിലായത്. ചാംരാജ്പേട്ടിലെ വിനായക് നഗറിൽ കഴിഞ്ഞ ദിവസമാണ് ആർഎസ്‌എസ്‌ പ്രവർത്തകൻ കർണൻ എന്നയാളുടെ മൂന്നു പശുക്കൾ ആക്രമത്തിന് ഇരയായത്. മൂന്നു പശുക്കളും ചോരവാർന്ന് തൊഴുത്തിൽ നിന്ന് നിലവിളിച്ചതോടെയാണ് വീട്ടുകാർ വിവരം അറിഞ്ഞത്. ഈ വീടിനു സമീപത്ത് തയ്യൽ കടയിൽ സഹായി ആയി ജോലി ചെയ്തിരുന്നയാളാണ് പിടിയിലായ ഷെയ്ഖ് നാസർ. മജിസ്‌ട്രേറ്റിനു മുന്നിൽ ഹാജരാക്കിയ പ്രതിയെ ജുഡീഷ്യൽ…

ബെംഗളൂരു: മകരസംക്രാന്തി, പൊങ്കല്‍ ആഘോഷങ്ങളെ വരവേല്‍ക്കാന്‍ ഒരുങ്ങി നഗരം. ക്ഷേത്രങ്ങളില്‍ മകരവിളക്ക് ഉത്സവത്തിനുളള ക്രമീകരണങ്ങള്‍ പൂര്‍ത്തിയായി. നഗരത്തില്‍ പ്രധാന മാര്‍ക്കറ്റുകളിലെല്ലാം പൂക്കളും പൂജാദ്രവ്യങ്ങളും വാങ്ങാനെത്തിയവരുടെ തിരക്കായിരുന്നു ഇന്നലെ. കരിമ്പ്, പൊരി, ശര്‍ക്കര എന്നിവയുടെ വില്‍പ്പനയ്ക്കായി താല്‍്ക്കാലിക സ്റ്റാളുകള്‍ സ്ഥാപിച്ചിട്ടിട്ടുണ്ട്. സംക്രാന്തി സ്‌പെഷ്യല്‍ വിഭവമായ എളള് ബെല്ലയ്ക്കും ആവശ്യക്കാര്‍ ഏറെയാണ്. ആഘോഷങ്ങളുടെ ഭാഗമായി ക്ഷേത്രങ്ങളില്‍ വിശേഷാല്‍ പൂജകള്‍ ഒരുക്കി. നാളെ ശബരിമല പൊന്നമ്പലമേട്ടില്‍ മകരജ്യോതി തെളിയുമ്പോള്‍ തത്സമയം കാണാന്‍ വലിയ സ്‌ക്രീന്‍ ഉള്‍പ്പടെ ക്ഷേത്രങ്ങളില്‍ ഒരുക്കി.

ബെംഗളൂരു: ബനശങ്കരി ക്ഷേത്രത്തില്‍ ഇന്ന് ബ്രഹ്‌മരഥോത്സവം നടക്കുന്നതിനാല്‍ കനക്പുര മെയിന്‍ റോഡിലെ ബനശങ്കരി മുതല്‍ സാരക്കി മാര്‍ക്കറ്റ് ജംഗ്ഷന്‍ വരെ ഗതാഗത നിയന്ത്രണം ഏര്‍പ്പെടുത്തിയതായി ട്രാഫിക്ക് പോലീസ് അറിയിച്ചു

ബെംഗളൂരു: നഗരത്തിൽ ഏറ്റവും കൂടുതൽ തിരക്ക് അനുഭവപ്പെടുന്ന ദിവസങ്ങളിലൊന്നാണ് തിങ്കളാഴ്ച. വാരാന്ത്യം നാട്ടിൽ ചെലവഴിച്ച് തിരികെ ബാംഗ്ലൂരിലേക്ക് മടങ്ങിയെത്തുന്ന ദിവസമാണിത്. അതിരാവിലെ മൂന്നു മണിയോടെ റെയിൽവേ സ്റ്റേഷനുകളിലും ബസ് സ്റ്റാൻഡുകളിലും വന്നിറങ്ങുന്നവരുടെ തിരക്ക് തുടങ്ങുകയായി. എന്നാൽ ഈ സമയങ്ങളിൽ വാഹനം കിട്ടുകയെന്നത് യാത്രക്കാർക്ക് വലിയൊരു പ്രതിസന്ധിയാണ്. ഇനി മുതൽ തിങ്കളാഴ്ചകളിൽ ബെംഗളൂരു മെട്രോ നേരത്തെ ആരംഭിക്കും. ജനുവരി 13 തിങ്കളാഴ്ച മുതൽ പുലർച്ചെ 4.15 മുതൽ സർവീസ് ആരംഭിക്കും. നേരത്തെ ഇത് 5.00 മണി ആയിരുന്നു. സുരക്ഷയും ഇരട്ടിയിലധികം നിരക്കും പലപ്പോഴും ബുദ്ധിമുട്ടുകൾ സൃഷ്ടിച്ചിരുന്നു.…