ബെംഗളൂരു: ഫെഡറേഷൻ ഓഫ് മറുനാടൻ മലയാളി അസോസിയേഷൻ ഫെയ്മ കർണാടക സംസ്ഥാന കമ്മറ്റിയുടെ ആഭിമുഖ്യത്തിൽ ഇന്ത്യൻ സ്വാതന്ത്രത്തിന്റെ 75 ആം വാർഷികാഘോഷങ്ങളുടെ ഭാഗമായി ഓൺലൈൻ ദേശഭക്തി ഗാന മത്സരം സംഘടിപ്പിക്കുന്നു. വ്യക്തികൾക്ക് ഒറ്റക്കും ഗ്രൂപ്പായും മത്സരത്തിൽ പങ്കെടുക്കാം. രണ്ടു വിഭാഗത്തിലും വെവ്വേറെ മത്സരം ഉണ്ടാകുന്നതാണ്.
മത്സരത്തിൽ പങ്കെടുക്കാൻ ആഗ്രഹിക്കുന്നവർ ദേശഭക്തിഗാനങ്ങൾ ആലപിക്കുന്നതിന്റെ വിഡിയോ റെക്കോഡ് ചെയ്ത് അയക്കണം. 3 മിനിറ്റിൽ കൂടരുത്. മലയാളത്തിലും മറ്റു ഇന്ത്യൻ ഭാഷകളിലും ഗാനങ്ങൾ ആലപിക്കാവുന്നതാണ്. പ്രായപരിധി 10 , 18 ,35 , 35 വയസിനു മേൽ എന്നീ നാലു ഗ്രൂപ്പുകളിൽ ആയാണ് മത്സരം സംഘടിപ്പിക്കുന്നത്.
ആഗസ്ത് 20 ആണ് മത്സര എൻട്രികൾ സമർപ്പിക്കേണ്ട അവസാന തിയ്യതി. വിജയികൾക്ക് ഫെയ്മ സമ്മേളത്തിൽ സമ്മാനങ്ങൾ വിതരണം ചെയ്യുമെന്ന് ഫെയ്മ കർണാടക പ്രസിഡന്റ് റജികുമാർ, സെക്രട്ടറി ജെയ്ജോ ജോസഫ് എന്നിവർ അറിയിച്ചു. ഈ സമ്മേളനത്തിലും വിജയികൾക്ക് ഗാനങ്ങൾ അവതരിപ്പിക്കാൻ അവസരം നൽകും
വിശദ വിവരങ്ങൾക്ക് പ്രോഗ്രാം കോ ഓർഡിനേറ്റർ ജെയ്സൺ ലൂക്കോസ് മായി ബന്ധപ്പെടാവുന്നതാണ് – 8884840022
വീഡിയോകൾ അയക്കേണ്ട വിലാസം :- faimakarnataka22@gmail.com
