ബെംഗളുരു :അഞ്ജനപുരയിൽ നിന്നുള്ള പുതിയ പാതയിൽ മെട്രോ ട്രെയിൻ സർവീസ് തുടങ്ങുന്നതിനു മുന്നോടിയായി പരിശോധന നടക്കുന്നതിനാൽ യെലച്ചനഹള്ളി സ്റ്റേഷനിലെ നമ്മ മെട്രോ സർവീസ് 27നും 28നും നിർത്തിവയ്ക്കും.
അതേസമയം ഗ്രീൻലൈനിൽ നാഗസന്ദ്ര മുതൽ ആർവി റോഡ് വരെ രാവിലെ 7 മുതൽ രാത്രി 9 വരെ സർവീസുണ്ടാകും.
ബയ്യപ്പനഹള്ളി-മൈസൂരു റോഡ് പർപ്പിൾ ലൈനിലെ മെട്രോ സർവീസുകൾ തടസ്സപ്പെടില്ലെന്നും മെട്രോ റെയിൽ കോർപറേഷൻ (ബിഎംആർസി)അറിയിച്ചു.
നവംബർ ഒന്നിന് ഉദ്ഘാടനം ചെയ്യുന്ന യെലച്ചനഹള്ളി-അഞ്ജനപുര ടൗൺ പാതയിൽ ട്രെയിനുകളുടെ പരീക്ഷണയോട്ടം അടുത്തയാഴ്ചയോടെ പൂർത്തിയാകും.
തുടർന്നു റെയിൽവേ സുരക്ഷാ കമ്മിഷണർ അനുമതി നൽകിയാൽ വാണിജ്യ സർവീസ് ആരംഭിക്കാം.
6.29 കിലോമീറ്റർ പാതയിൽ കോനനകുണ്ടെ, ദൊഡ്ഡകല്ല സന്ദ്ര, വജറഹള്ളി, തലഘട്ടപുര,അഞ്ജനപുര ടൗൺ എന്നിങ്ങനെ 5 സ്റ്റേഷനുകൾ ആണ് ഉള്ളത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
