തിരുവനന്തപുരം: ലൈംഗികാരോപണം ഉന്നയിച്ച ടെസ് ജോസഫിനെ പരിചയമില്ലെന്ന് എംഎല്എയും നടനുമായ മുകേഷ്.
ആ പെണ്കുട്ടിയെ പരിചയവുമില്ല, ഓര്മയുമില്ല, ആരെയും ആര്ക്കും തേജോവധം ചെയ്യാവുന്ന അവസ്ഥയെന്നും മുകേഷ് പറഞ്ഞു. ആരോപണം ശരിയെങ്കില് ഇത്രകാലം ഇവര് എന്തുകൊണ്ട് ഇത് ഉന്നയിച്ചില്ലെന്നും മുകേഷ് ചോദിക്കുന്നു.
”ഈ ടെലിവിഷന് ഷോ വര്ഷങ്ങള്ക്ക് മുന്പ് നടന്നതാണ്. ഈ ആരോപണത്തെക്കുറിച്ച് അറിയില്ല. ടെസ് ജോസഫ് എന്ന പെണ്കുട്ടിയെക്കുറിച്ചുള്ള ഓര്മ്മ പോലുമില്ല. എന്തുകൊണ്ട് ഇത്രയുംനാള് ആരോപണം ഉയര്ത്തിയില്ല? ഇവരൊക്കെ ഉറക്കമായിരുന്നോ? എനിക്ക് ഒന്നും പറയാനില്ല. നിങ്ങള് എന്താണെന്ന് വച്ചാല് ചെയ്തോ. വേണമെങ്കില് സുപ്രീം കോടതിയെ സമീപിച്ചോ”– മുകേഷ് പറഞ്ഞു
സിനിമാ രംഗത്തെ ലൈംഗിക ചൂഷണങ്ങളെക്കുറിച്ചുള്ള വെളിപ്പെടുത്തലുകളുമായി തുടങ്ങിയ മീ ടു ക്യാമ്പയിന്റെ ഭാഗമായാണ് ബോളിവുഡിലെ സാങ്കേതിക പ്രവര്ത്തകയായ ടെസ് ജോസഫ് ആരോപണവുമായി രംഗത്തെത്തിയത്.
19 വര്ഷം മുമ്പ് കോടീശ്വരന് എന്ന ടെലിവിഷന് പരിപാടിയുമായി ബന്ധപ്പെട്ട് ഹോട്ടലില് താമസിക്കുമ്പോള് മുകേഷ് തന്നോട് മോശമായി പെരുമാറിയെന്നാണ് ടെസ് പറയുന്നത്.
മുകേഷിന്റെ മുറിയുടെ തൊട്ടടുത്ത മുറിയിലേക്ക് തന്നെ മാറ്റാന് ശ്രമിച്ചു എന്നും ടെസ് വെളിപ്പെടുത്തുന്നു. അന്നത്തെ തന്റെ മേധാവിയായ ആയ ഡെറിക് ഒബ്രിയാൻ ഒരു മണിക്കൂറോളം തന്നോട് സംസാരിച്ചുവെന്നും അടുത്ത വിമാനത്തിന് തന്നെ രക്ഷപ്പെടുത്തി പറഞ്ഞയച്ചു എന്നും ടെസ് പറയുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
