Category: BENGALURU NEWS

സെപ്റ്റംബറിലും വേനൽച്ചൂടിൽ ബെംഗളൂരു: 75 വർഷത്തെ താപനില റെക്കോർഡിന് അരികിൽ, സംസ്ഥാനത്ത് വൻ വരൾച്ച ഭീഷണി ബെംഗളൂരു: തെക്കുപടിഞ്ഞാറൻ മൺസൂൺ ശക്തിപ്രാപിച്ച് കനത്ത മഴ ലഭിക്കേണ്ട സെപ്റ്റംബർ മാസത്തിൽ കടുത്ത ചൂടിൽ വെന്തുരുകി ബെംഗളൂരു നഗരം. കഴിഞ്ഞ കുറച്ചു ദിവസങ്ങളായി താപനില 30 ഡിഗ്രി സെൽഷ്യസിനും 32 ഡിഗ്രി സെൽഷ്യസിനും ഇടയിൽ തുടരുന്നതോടെ, നഗരം 75 വർഷത്തിനിടയിലെ ഏറ്റവും ഉയർന്ന സെപ്റ്റംബർ മാസത്തെ താപനില റെക്കോർഡിന് തൊട്ടടുത്തെത്തി. ഇന്ത്യൻ കാലാവസ്ഥാ വകുപ്പിന്റെ (IMD) കണക്കനുസരിച്ച് ഞായറാഴ്ച 32.2 ഡിഗ്രി സെൽഷ്യസും തിങ്കളാഴ്ച 31.9 ഡിഗ്രി…

ബെംഗളൂരു: ബെംഗളൂരു നഗരത്തിലെ രൂക്ഷമായ ഗതാഗതക്കുരുക്കിന് വലിയൊരളവു വരെ ആശ്വാസമേകുന്ന നമ്മ മെട്രോയിൽ ദിനംപ്രതി ലക്ഷക്കണക്കിന് ആളുകൾ യാത്ര ചെയ്യുന്നതായി കണക്കുകൾ. പച്ച, പർപ്പിൾ, മഞ്ഞ എന്നീ ലൈനുകളിലായി പ്രതിദിനം 11 ലക്ഷം മുതൽ 12 ലക്ഷം വരെ യാത്രക്കാരാണ് മെട്രോ സേവനം പ്രയോജനപ്പെടുത്തുന്നത്. നഗരവാസികളുടെ ദൈനംദിന ജീവിതത്തിന്റെ ഭാഗമായി മെട്രോ മാറിക്കഴിഞ്ഞുവെന്നതിന് തെളിവാണ് ഈ വൻ വർധനവ്. എന്നാൽ, പ്രധാന പാതകളിൽ വലിയ തിരക്ക് അനുഭവപ്പെടുമ്പോഴും നഗരത്തിലെ 20 മെട്രോ സ്റ്റേഷനുകളിൽ യാത്രക്കാരുടെ എണ്ണം വളരെ കുറവാണെന്ന കൗതുകകരമായ വിവരവും പുറത്തുവന്നിട്ടുണ്ട്. ഈ…

ബെംഗളൂരു: ബെംഗളൂരു മജസ്റ്റിക് റെയിൽവേ സ്റ്റേഷനിൽ നിർത്തിയിട്ടിരുന്ന ട്രെയിൻ കോച്ചിന് തീപിടിച്ചു. ഒന്നാം പ്ലാറ്റ്‌ഫോമിന് സമീപം ഒഴിഞ്ഞുകിടന്നിരുന്ന പഴയ കോച്ചിലാണ് ഞായറാഴ്ച രാത്രി തീപിടിത്തമുണ്ടായത്. ഉടൻതന്നെ സ്ഥലത്തെത്തിയ അഗ്നിശമന സേനാംഗങ്ങൾ തീ പൂർണ്ണമായും അണച്ചതിനാൽ വൻ ദുരന്തം ഒഴിവായി. സംഭവത്തിൽ ആർക്കും പരിക്കേറ്റിട്ടില്ല. അതേസമയം, തീപിടിച്ച കോച്ച് ഭാഗികമായി കത്തിനശിച്ചിട്ടുണ്ട്. അപകടത്തിന്റെ കൃത്യമായ കാരണം വ്യക്തമായിട്ടില്ലെന്നും സംഭവത്തിൽ അന്വേഷണം ആരംഭിച്ചിട്ടുണ്ടെന്നും അധികൃതർ അറിയിച്ചു

ബെംഗളൂരു: തീരദേശ നിവാസികളുടെയും തലസ്ഥാന നഗരവാസികളുടെയും ഏറെക്കാലത്തെ കാത്തിരിപ്പിന് വിരാമമിട്ട് ‘യശ്വന്ത്പൂർ – മംഗലാപുരം സെൻട്രൽ’ വന്ദേ ഭാരത് എക്സ്പ്രസിന്റെ ആദ്യ പരീക്ഷണ ഓട്ടം വിജയകരമായി പൂർത്തിയാക്കി. സൗത്ത് വെസ്റ്റേൺ റെയിൽവേയുടെ (SWR) മേൽനോട്ടത്തിൽ നടന്ന ട്രയൽ റണ്ണിൽ 16 കോച്ചുകളുള്ള അത്യാധുനിക വന്ദേ ഭാരത് ട്രെയിനിന്റെ വേഗത, സമയക്രമം, സുരക്ഷാ സംവിധാനങ്ങൾ എന്നിവ കൃത്യമായി വിലയിരുത്തി. ശനിയാഴ്ച രാവിലെ 6:05-ന് യശ്വന്ത്പൂരിൽ നിന്ന് പുറപ്പെട്ട ട്രെയിൻ ഉച്ചയ്ക്ക് 2:25-ഓടെ മംഗലാപുരം സെൻട്രലിൽ എത്തിച്ചേർന്നു. ഹാസൻ, സകലേശ്പൂർ, സുബ്രഹ്മണ്യ റോഡ് എന്നീ സ്റ്റേഷനുകളിൽ നിർത്താതെ…

ബെംഗളൂരു: ഗുണനിലവാരമില്ലാത്ത ഭക്ഷണവും വൃത്തിഹീനമായ സാഹചര്യങ്ങളും നിലനിൽക്കുന്നുവെന്ന പൊതുജന പരാതികളുടെ അടിസ്ഥാനത്തിൽ ബെംഗളൂരുവിലെ പേയിംഗ് ഗസ്റ്റ് (പിജി) സ്ഥാപനങ്ങളിൽ ഭക്ഷ്യസുരക്ഷാ-ഔഷധ ഭരണ വകുപ്പ് വ്യാപക റെയ്ഡ് നടത്തി. ബെംഗളൂരു നഗരം, ബെംഗളൂരു റൂറൽ, ഗ്രേറ്റർ ബെംഗളൂരു അതോറിറ്റി അതിർത്തികളിലായി ഒറ്റ ദിവസം കൊണ്ട് 64 പിജികളിലാണ് ഉദ്യോഗസ്ഥർ പരിശോധന പൂർത്തിയാക്കിയത്. ആരോഗ്യമന്ത്രി യു.ടി. ഖാദറിന്റെ പ്രത്യേക നിർദ്ദേശപ്രകാരമായിരുന്നു നടപടി. അടുക്കളകളിലെ ശുചിത്വം, അസംസ്കൃത വസ്തുക്കളുടെ ഗുണനിലവാരം, സംഭരണ രീതികൾ എന്നിവ കേന്ദ്രീകരിച്ചായിരുന്നു പരിശോധന. ഇതിൽ നിരവധി പിജികളിൽ കാലാവധി കഴിഞ്ഞതും തെറ്റായ ബ്രാൻഡഡ് നാമത്തിലുള്ളതുമായ…

ബെംഗളൂരു: ബെംഗളൂരു മെട്രോയുടെ പുതിയ ‘ബ്ലൂ ലൈൻ’ പാത പൂർണ്ണമായും സൗരോർജ്ജത്തിൽ പ്രവർത്തിപ്പിക്കാനുള്ള വൻ പദ്ധതി ഒരുങ്ങുന്നു. നിർദ്ദിഷ്ട പദ്ധതി യാഥാർത്ഥ്യമാകുന്നതോടെ രാജ്യത്തെ ആദ്യത്തെ സോളാർ മെട്രോ എന്ന നേട്ടം നമ്മ മെട്രോയ്ക്ക് സ്വന്തമാകും. സിൽക്ക് ബോർഡ് മുതൽ അന്താരാഷ്ട്ര വിമാനത്താവളം വരെയുള്ള 58.19 കിലോമീറ്റർ ദൂരത്തിൽ പൂർണ്ണമായും സൗരോർജ്ജം ഉപയോഗിച്ച് ട്രെയിനുകൾ ഓടിക്കാൻ സാധിക്കുമെന്ന് ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിലെ (IISc) വിദഗ്ധ സംഘം നടത്തിയ പഠനത്തിൽ വ്യക്തമാക്കി. ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിലെ സസ്റ്റൈനബിൾ ട്രാൻസ്‌പോർട്ട് ലബോറട്ടറി ഡയറക്ടർ പ്രൊഫ. ആശിഷ്…

ബെംഗളൂരു: വൻതോതിൽ നിയമവിരുദ്ധമായി സ്ഫോടകവസ്തുക്കൾ കടത്താൻ ശ്രമിച്ച സംഭവത്തിൽ 38-കാരനായ നിർമ്മാണത്തൊഴിലാളിയെ ഡോബ്സ്പേട്ട് പൊലീസ് അറസ്റ്റ് ചെയ്തു. തുമകൂരു ജില്ലയിലെ പാവഗഡ സ്വദേശിയായ ശിവശങ്കറാണ് പിടിയിലായത്. ഇയാളിൽ നിന്ന് 600 ജെലാറ്റിൻ സ്റ്റിക്ക്, 100 ഡിറ്റനേറ്ററുകൾ എന്നിവ പൊലീസ് പിടിച്ചെടുത്തു. നെലമംഗല താലൂക്കിലെ ജാജൂരിന് സമീപത്തുനിന്നാണ് വെള്ള കാറിൽ കടത്തുകയായിരുന്ന സ്ഫോടകവസ്തുക്കൾ കണ്ടെടുത്തത്. രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് കാർ തടഞ്ഞുനിർത്തി സ്ഫോടകശേഖരം പിടിച്ചെടുത്തത്. ക്വാറി ആവശ്യങ്ങൾക്കായി ഉപയോഗിക്കുന്ന സ്ഫോടകവസ്തുക്കൾ സോളൂരിന് സമീപത്തെ അനധികൃത കരിങ്കൽ ക്വാറിയിലേക്ക് കൊണ്ടുപോകുകയായിരുന്നുവെന്നാണ് പ്രാഥമിക അന്വേഷണത്തിൽ വ്യക്തമായത്.…

ബെംഗളൂരു: നഗരത്തിൽ ഗണേശോത്സവ ആഘോഷങ്ങൾ സമാധാനപരമായി നടത്തുന്നതിനായി കർശന നിയന്ത്രണങ്ങളും സുരക്ഷാ മാനദണ്ഡങ്ങളും ഏർപ്പെടുത്തി ബെംഗളൂരു സിറ്റി പൊലീസ്. നിബന്ധനകൾ ലംഘിക്കുന്നവർക്കെതിരെ കടുത്ത നടപടി സ്വീകരിക്കുമെന്ന് ബെംഗളൂരു സിറ്റി പൊലീസ് കമ്മീഷണർ സീമന്ത് കുമാർ സിംഗ് വ്യക്തമാക്കി. ആഘോഷങ്ങളുടെ പൂർണ്ണ ഉത്തരവാദിത്തം സംഘാടകർക്കായിരിക്കുമെന്നും നിർദ്ദിഷ്ട നിയമങ്ങൾ കൃത്യമായി പാലിക്കപ്പെടുന്നുവെന്ന് ഉറപ്പാക്കാൻ പോലീസിനും ഗ്രേറ്റർ ബെംഗളൂരു അതോറിറ്റിക്കും (GBA) നിർദ്ദേശം നൽകിയിട്ടുണ്ടെന്നും അദ്ദേഹം അറിയിച്ചു. ഗണേശ വിഗ്രഹ പ്രതിഷ്ഠയ്ക്ക് പൊലീസ്, പ്രാദേശിക ഭരണകൂടം തുടങ്ങി വിവിധ വകുപ്പുകളിൽ നിന്നുള്ള മുൻകൂട്ടിയുള്ള അനുമതി നിർബന്ധമാണ്. ആവശ്യമായ എല്ലാ…