കലബുറഗി ∙ ആശുപത്രിയിലേക്കുള്ള യാത്രയ്ക്കിടെ കർണാടക ആർടിസി ബസിൽ യുവതിക്കു സുഖപ്രസവം. കലബുറഗി ജില്ലയിലെ ചിൻഞ്ചോളി താലൂക്കിലെ ചത്രാസൽ ഗ്രാമത്തിൽ ശനിയാഴ്ച വൈകിട്ടാണു സംഭവം. ഭർത്താവിനും ഭർതൃമാതാവിനുമൊപ്പം തണ്ടൂരിലെ ആശുപത്രിയിലേക്കുള്ള യാത്രയിലാണു ജ്യോതി (26) ആൺകുഞ്ഞിനു ജന്മം നൽകിയത്.
ബെംഗളൂരുവിനെ ഞെട്ടിച്ച് 'മരണപ്പാച്ചിൽ'; ഒരു സ്കൂട്ടറിൽ ആറ് കുട്ടികൾ, വാഹനം ഓടിച്ചത് പത്ത് വയസ്സുകാരൻ
യുവതിക്കു പ്രസവവേദന ആരംഭിച്ചതോടെ ഡ്രൈവർ ബസ് നിർത്തി യാത്രക്കാരെ ഇറക്കി. രണ്ടു യാത്രക്കാരികൾ സഹായികളായി. അമ്മയെയും കുഞ്ഞിനെയും ബസിൽത്തന്നെ ആശുപത്രിയിലെത്തിച്ചാണു ജീവനക്കാർ മടങ്ങിയത്.
