ബെംഗളൂരു : സാറ്റലൈറ്റ് ടൗൺ റിങ് റോഡ് പദ്ധതിയുടെ ഭാഗമായ ദൊബസ്പേട്ട് മുതൽ ഹൊസ്കോട്ടെ വരെയുള്ള 80 കിലോമീറ്റർ പാത അടുത്തമാസം ഗതാഗതത്തിനായി തുറന്ന് കൊടുക്കും.
തുമക്കുരു, ബെള്ളാരി, കൊലാർ ദേശീയ പാതകളുമായി ബന്ധിപ്പിക്കുന്ന പാതയണിത്.
ഇതിൽ ദൊഡ്ഡബല്ലാപുര മുതൽ ഹൊസ്കോട്ടെ വരെയുള്ള 34 കിലോമീറ്റർ കഴിഞ്ഞ ഡിസംബറിൽ തുറന്ന് കൊടുത്തിരുന്നു.
ഈ പാതയിൽ ടോൾ പിരിവും ആരംഭിച്ചിട്ടുണ്ട്. 6 ദേശീയപാതകളും 8 സംസ്ഥാന പാതകളെയും ബന്ധിപ്പിച്ച് 280 കിലോമീറ്റാറോളമാണ് സാറ്റലൈറ്റ് ടൗൺ റിങ് റോഡ് നിർമ്മിക്കുന്നത്.
സർജാപുര, ആനേക്കൽ, കനകപുര, രാമാനഗര, മാഗഡി എന്നീ സ്ഥലങ്ങളെ തമ്മിലും ബന്ധിപ്പിക്കും.
കേന്ദ്ര സർക്കാരിന്റെ ഭാരത് മാല പദ്ധതിയിൽ ഉൾപെടുത്തി 17000 കോടി രൂപ ചിലവഴിച്ചാണ് ടൗൺ റിങ് റോഡ് നിർമിക്കുന്നത്.
പദ്ധതിയുടെ 60% ചിലവ് ദേശീയപാത അതോറിറ്റിയും 40% ചെലവ് കർണാടക റോഡ് ഇൻഫ്രാസ്ട്രക്ചർ ഡെവലപ്പ്മെന്റ് ബോർഡുമാണ് വഹിക്കുന്നത്
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
