ബെംഗളൂരു: കോൺഗ്രസ് സർക്കാറിന്റെ ക്ഷേമപദ്ധതി വാഗ്ദാനമായ ‘അന്നഭാഗ്യ’ക്കും തുടക്കമായി.
കഴിഞ്ഞ ദിവസം വിധാൻസൗധയിൽ നടന്ന ചടങ്ങിൽ മുഖ്യമന്ത്രി സിദ്ധരാമയ്യ പദ്ധതി ഉദ്ഘാടനം ചെയ്തു.
അഞ്ചുകിലോ അരിയും ബാക്കി പണവും നൽകാനാണ് സർക്കാർ തീരുമാനിച്ചിരിക്കുന്നത്.
കിലോക്ക് 34 രൂപ നിരക്കിലാണ് ഡയറക്ട് ബെനഫിറ്റ് ട്രാൻസ്ഫർ (ഡി.ബി.ടി) വഴി ഗുണഭോക്താക്കളുടെ അക്കൗണ്ടുകളിലേക്ക് തുക എത്തുക.
15 ദിവസത്തിനകം എല്ലാ ഗുണഭോക്താക്കൾക്കും അവരവരുടെ അക്കൗണ്ടുകളിൽ പണം ലഭിക്കുമെന്ന് സർക്കാർ അറിയിച്ചു.
ഇന്നലെ മുതൽ പണം ഗുണഭോക്താക്കളുടെ അക്കൗണ്ടിൽ നിക്ഷേപിച്ചുതുടങ്ങി. അതേസമയം, ‘അന്നഭാഗ്യ’ ഗുണഭോക്താക്കളിൽ 22 ലക്ഷം കുടുംബങ്ങൾക്ക് ബാങ്ക് അക്കൗണ്ടുകളില്ല.
ഗുണഭോക്താക്കളുടെ അക്കൗണ്ടിലേക്ക് നേരിട്ടാണ് തുക നൽകുന്നത് എന്നതിനാൽ ഇനിയും ബാങ്ക് അക്കൗണ്ടില്ലാത്ത കുടുംബങ്ങൾക്ക് പണം നിലവിൽ ലഭിക്കില്ല.
ഇവർ പുതുതായി അക്കൗണ്ടുകൾ എടുത്ത് അവയുടെ രേഖകൾ സമർപ്പിച്ചാലേ പണം ലഭിക്കൂ.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
